Урушдаги қарор уятга қолдирилди

ISW эксперти АҚШ ва Европа сиёсатдонларини Украинага ёрдам борасида баҳс-мунозарага йўл қўйгани учун уялтирди.
Америка ва европалик сиёсатчиларнинг ҳозирги авлоди Иккинчи жаҳон урушида енгган ота-боболаридан ўрнак олишлари керак, зотан янада қатъийроқ,'Путин нима деркан " деб узоқ ўйланиб ўтирмасдан Украинанинг ғалаба қозонишига ёрдам бермоқликлари даркор. Бундай чақириқ билан урушни тадқиқ этиш институти ISW кичик илмий ходими истеъфодаги америкалик генерал-лейтенант Жеймс Дубик чиқди.
"Урушда қон кечиб, сўнгра ҳузурини биз кўраётган Европани барпо этганлар Америка етакчилари ва фуқароларининг Украинани қўлламаётганликларини кўриб даҳшатга тушишган бўлишарди,"- деб ёзади ҳарбий зобит ва фалсафашунос Жеймс Дубик.
Америкалик Дубик Конгресснинг Украинага кўмакни вақтинчалик бюджетдан ўчириш қарорини қоралайди ва даставвалига Америка сиёсатчиларига мурожаат қилиб, кейин эса ҳам улар, ҳам европаликлар ҳақида ёзади.
"Қўшма Штатлар, НАТО ва бошқа иттифоқдошлар Путиннинг жиноятлари жазосиз қолмаслиги учун Украинани қўллаб қувватлашлари керак. Бундай масала моҳияти Иккинчи жаҳон уруши давридаги юртдошларимизга беш қўлдай равшан эди. Бироқ афтидан ҳозирги Америка етакчилари- олдиларида турган, чор-атрофларини қуршаган вазифалар қаршисида бебурдлик кўрсатмоқдалар."- деб ёзади ISW эксперти.
Унинг мулоҳазасига кўра, биринчидан токи Путин қўшинлари қувиб чиқарилмагунча Украинага ёрдамни давом эттиравериш керак.
"Путинни мажбурлашмаса у урушни тугатиш ниятида эмас. Россия қўшинларидаги танг аҳволни назарда тутадиган бўлсак, у ҳарбий маънода базўр ўзини ушлаб турмоқда, ва у Украинага АҚШ ва НАТО кўмаги оқими сусайишни бошлашига умид қиляпти. Конгресс Украинага ёрдамни қисқартириб Путиннинг альянсни парчалаш ҳаракатига тўғридан тўғри кўмак кўрсатяпти"- деб ёзади Дубик.
Унинг фикрига кўра, иккинчидан Ғарб иттифоқдошлари ойлаб ўйлашга бош қотириб ўтирмасдан Украинага керакли қурол-яроқни тезроқ етказиб беришлари керак.
"Путин уруш кўламини кенгайтира олмайди, у зўрға мудофаада турибти, агарда иттифоқчилар бунга оид ўз қурқув-хавотирларини бир четга йиғиштирганларида украинларнинг қарши ҳужуми кучлироқ ва тезроқ бўлган бўлурди. Улар ўз режаларини Украина нима қилиши керак деган савол атрофида кўриб чиқишлари лозим."- дейди истеъфодаги генерал-лейтенант.
"Мабодо" Буюк авлод" ( Иккинчи жаҳон урушидан сўнг ва ундан кейинги Ғарб етакчилари) ҳозирги етакчиларнинг қулоқларига маслаҳат билан шивирлаб шипшитишганда, мазкур насиҳат шундай мазмунга эга бўларди: "Уруш ўсиб авжига чиқмасдан уни тугалланг. Бу сизга қийин туюлиши мумкин, аммо кейин бундан бадтар бўлади. Жаҳон Американинг етакчилигига муҳтож - демак етакчи бўлиб қўя қолинг!"