Ивирсиган уйдаги ва ўйдаги одамлар

Бир аёлнинг эри уйдан хотинини ташлаб, бош олиб чиқиб кетди. Аёл ўзини жарга қулагандек ҳис этарди.Буёғига қандай яшайман дея гангиганди.Унинг пули бор эди,бироқ умуман ёлғизликда кун кечириш ҳадисини олмаганди.18 ёшида ота уйидан чиққанидан буён у эридан айрилмаган.

Куни кеча у билан узоқ вақтдан бирга эканликларини муҳокама этишганди. Кўпчилик ажралиб кетган, улар эса асло.Эртасига эса эри уйғонди ва кетди.

Жомадонлари, юкхалтаси,улкан куртка ва пойабзалларини қўлтиқлаб, товалари, компьютер,асбоб ускуналар,бонка тагида қолган бўёқларни ҳам ташиганича кетди.

Аёл танҳо қолган уй кенг, шинам, ёруғ бўлиб чиқди.Уни тартибга келтирди, деворни бошқа рангга бўяди.

Эри қайтмоқчи бўлганди- қатъиян рад этди.

Аёлга уйнинг ичидан қовурилган балиқнинг эмас, олмали пирог иси таралаётгани ёқарди.Ундаги фаранг атири ҳиди ёйилиши ёқарди, тамакининг эмас.

Ипдан игнасигача бежирим кийинадиган бир аёлни танирдим,бу хотин энг афзал сартарош ва пардозчиларга борарди,итальян бутиклари ва аутлетлари учун доим Миланга қатнарди.

У телефон рақамларимизни алишимизни таклиф қилди, сўнгра мессенжерда ёзиша бошладик.

Шуни қилмаганимиз маъқул эди аслида, шундан аёл уйида бир ҳафтада тозалаш юмушларини қилишини билдим,бундан олдин эса уч кунлаб тишини ювмаслиги ошкор этилди.

Шундай вақтлар бўладики, у кир идиш-товоқдан овқатланар экан, чунки уни коса ювишга мадори йўқ.Бошини ҳам ҳеч ким пайқамаса ҳафталаб ювмаслиги мумкин (телпакни бостириб яқин атрофдаги дўконга зир югуриб бориб келади).

Суратларда акс этгани – ҳассос дидли аёл,аслиятда эса:

“Хайрли тонг.Уйим яна ивирсиган.Кир-чир.Бадбўй ҳид.Жуда ёмон.Бироқ йиғиштиришга ҳафсала қайда. Сизда нима гап."

Ўз уйини тартибга келтира олмаган одам ҳақида қандай сўзлаш мумкин?
Бир қараганда унинг асаблари қақшаган,маънан заиф, ўз ўй-хаёлларини миясида тартибга сола билмайди.
Бироқ бу афтидан бунақа эмас. Мана руҳшунослар нима дейди?

“Батартиблиқ аҳмоқларга ҳавола. Даҳолар эса бетартибликка ҳукмрондирлар.” Деган Альберт Эйнштейн. Руҳшунослар эса:

“ Ривожланган онг бирор юмушни бажарса унинг “асрга татигулик” натижасидан завқ топади. Мабодо натижа бўлмаса, барча машаққатлар ер билан топтаб битта қилинади, у бундай фаолиятдан юз ўгириб, ишни йиғиштириб қўя қолади.

Мияси чекланган онгдаги кишилар уйларини озода тутадилар,улар мунтазам такрорланадиган ҳаракатлар ортидан ўзларини керакли ҳис этадилар.”

Бош қотириб ўйлашга арзигулик қизиқарли мулоҳаза...

Тўзиганлик ҳимоя воситаси бўлса-чи.

Бир йигит воқеасини ўқигандим.

Ота-онаси унга квартира сотиб олиб беришди.У ўша ерга кўчиб яшай бошлади. Ота-онас и қаттиққўл, ҳар бир қадамини пойлашади, кир мошина ва музлатгични қарашади. Тўнғиллашади:”Сенинг уйинг уй эмас, ахлатхона.Йиғиштириниб ол. Йўқса бизга бу ерга келиш ёқмайди.”

Ва айнан шунинг учун у англаган ҳолда уйни тозаламайди. Қариндошлари келмаслигидан мамнун.

Айтишича ивирсиқ уйда унга руҳан осойишта, онаси эса хона тоза бўлмаса ухлашга чўзилмайди.Ота-онасида ўз уйларини нотурар жой каби қабул қилиш кайфияти устун, гўёки уни таъмирлаб, мудом савдога қўйилгандек.Барча буюмлар қатъий жой-жойида туради.

Кир кийим бўладими ёки йўқми, мошина кунига албатта бир ёқилади.Мабодо бўлмаса тозаси қайтадан ювилади.

Ахир бу ҳам нормал ҳол эмас-ку, шундай эмасми?

Муаллиф: Гулзор, блогер