Feb 07, 2021
Қадрдон шаҳримни кезарканман, ипга боғлаб етаклаб юрилган кучук, мушукнимас, болани кўриб қолдим.Тўғри,бу шу тариқа биринчи ҳолатмас,яна мен бу шов-шувга арзигулик янгилик ҳам демоқчи эмасман, бироқ мазкур айрим ҳолга қараб ҳам юракда нохижил ҳис уйғонади.Ҳа, интернетни қидирувга олсак,кўплаб ипга боғланиб, қандайдир жисмга бириктирилган, худди полиздаги сабзавотдек ерга қадалган болалар суратларини кўриш мумкин.
АҚШда аллақачон болаларни қочиб кетмасликлари учун арқонга олишган,”ривожланган” Осиёда ҳам қўлга ўргатиш ва тарбия усулида шундай қилинмоқда. Ота-онага боласини итдек етаклаб,зарур пайтда ўзини қандай тутишни ўргатиш, тушунтиришдан осони йўқ.Кундалик турмушда ортиқча заҳматга учрамаслик учун ҳаммаси осонлик ва қулайликка йўналтирилади.Бироқ болага арқонда бўлиш қулайми? Нега сиз ўзингизни боғламаяпсиз, чунки катта болалар (30 ёшдан юқори) кун кўриш, бой бўлиш учун фалокатлар уюштириб, машиналар остига ўзларини ташлашмоқда, уларни ҳам сайрга балким ип боғлаб олиб чиқиш керакдир.
Муносиб шахсни тарбиялаш аллақачон кун тартибида йўқ,фақат қуруқ гап, амалда эса ҳеч нима.Наҳотки сиз ўз фарзандингизга ўзингизникидан аъло ҳаётни маъқул кўрмайсиз?Бугун ип-арқон, эртага-чи?Электр бўйинбоғми? Қафасми? Болани туғилган заҳоти нимага ўргатишяпти- арқонга занжирбанд қилиб, онасидан бир қадам ҳам нари жилмасликками?Кейин эса бизда нега қуллик фалсафасига шўнғиган, заиф руҳдаги, касалманд, гадосифат, қашшоқ, ҳеч нимага уқувсиз, ўз умридан ҳар доим норози, нолиган одамлар кўплигига ҳайратланасиз.одамлар ўз чўпони ортидан эргашган қўйлар подасига айланмоқда.Энг асосийси, нимаики қилаётган бўлсак, эртага бошқаларни айблаб туриб, ҳосилини ўзимиз йиғиштириб оламиз.
Себастьян Парейро, блогер.
