Севганингдан бошқаси...

Тўғрисини айтганда менга виждону инсофга чорлаган ақлли китоблар ўқиган давримиз кўпроқ ёқади.

Зотан айни ишратпарастликка ўчлик замони бизни чинни бозорда гандираклаган улкан филдек ҳис эттиришга мажбурлаган.

Бахт,ишқ- муҳаббат, таассуротлар ортидан бетиним югуриш охирида тешик тоғора бўлиб чиқяпти.Шунинг учун уларни чангаллаб ушлаб бўлмайди,ясаб қўйиш мумкин.

Бир аёл курсдошига турмушга чиқди ва ундан икки фарзанд туғди.Бир пайт тўсатдан унга бариси зерикарли ва оғир туюла бошлади:рўзғор, дарс тайёрлашиш, тонг саҳардан мактабга кузатиш, ҳар куни ишга қатнаш.Ҳамкасблари билан уришарди, бор заҳрини уйига ташиб, эрига сочарди.

“Буларни болалар кўришининг не ҳожати бор?”,-дея ўйларди у.

“Биз тўртовлон бир квартирада яшаганимиз туфайли ажралиш тарафдори эмасман, бироқ бундай ота-оналарни кўраётган болалар бахтиёр бўла олишадими?Бизда ҳаётини бозорга совурадиган 9 та умр йўқ.

Бахт бахтни ўзига тортади, бунга имоним комил.”

Ва у фарзандларини олдига солиб кетди.Ва юраги ҳаприқадиган, қадамидан ер чақнайдиган кишини топди.

Энди уни болалари шундай бахтли кўра бошладилар. Оталарини ҳам- ҳар якшанбада.

Оналарининг эрмаги дарров тугади.Аммо у яна бир лаззатга манба топиб олди.

Сўнгра яна бошқа битта.

Ҳеч ким бу аёлга суянчу таянчни бошқа бировдан эмас , ўзидан изламоқ даркорлигини тушунтирмади.

Эри қайғуга тушди ва уйланди.

Болаларидан хабарлашишни бас қилди. Унинг ўз фарзандлари бор.

Ҳеч нимамас. Катталари улғайишса барини тушунишади.

Классик адиблар ҳаёт уларга кўп инъом тортиқ этиб, буни эплай олмаган кишилар ҳақида хўб ёзишган.

Лекин уларни ким ҳам ўқирди?

Жудаям тунд, жудаям узун, ўта ахлоқни чайновчи асарлар. Виждонга ундайди.Келишишга.”Ҳаётни бор ҳолича сев!”

Янгича урфдаги руҳшунослар эса уқтиришади:”Ҳаётни ўзгартирмоқ лозим!”

“Эҳтиросда бекорчилар яшашади.Банд одамнинг умрини ўзгартиришига вақти йўқ”,- деганди В.Токарева.

Кишилар мазкур жумлага суяниб ўз ҳаёт тарзларини ўзгартиришга жазм этадилар:” Мен ўзимни ахтараман. Ўз ўрнимни.Ниманидир қилиб афсусланмоқ керак, ҳеч нима қилмасдан кўпроқ афсусга ботгандан кўра.”

Аммо бундай қатъий қарорда ўзини тушуниб етиш,ростакам жасурлик мавжуд эмас.Кишилар шунчаки бор ҳаётларини ўзлари хароб этмоқдалар.Янгисини қуриш учун.Кейин эса харобаларга тикилиб, кўз ёш тўкадилар.

Бузиш- қуриш деганимас.

Габриэль Гарсиа Маркеснинг ҳар бир қиз кундалигига ёки ижтимоий тармоқ деворларига муҳрлаган бир жумласи бор,бироқ унинг мағзини тўкис чақишмаган:”Сенсиз яшай олмайдиганни қадрлашни бил, сенсиз бахтиёр бўла олганларни эса ортидан югурма!”

Бегона қуёш яхши иситади, бировнинг олмаси ширинроқ бўлади.

Бироқ энг маҳбули ўз боғингни суйиб парваришлаш .Дарахт ўтқазганлар ҳозир сояда ўтирибти.

Тайёр бахтнинг изидан қувганлар эса унинг ёнидан сакраб ўтиб кетган.

Хельга Хоним, блогер.