Шоир воқеаси

1796 йилнинг 21 июлида шотланд шоири, фольклорчи, кўплаб шеър ва поэмалар муаллифи Роберт Бёрнс вафот этди.
У шеър ёзишни 14 ёшида илк бор севиб қолганида бошлаган. Лекин дўстининг маслаҳати билан номаларини ўн йилдан сўнг оқ қоғозга кўчирган. Бёрнснинг 44 шеърдан иборат илк тўплами 1786 йилнинг ёзида 612 дона нусхада чоп этилиб, икки кун ичида сотиб бўлинди. Муваффақият шундай тез ёғилгандики, шоирнинг ўзи бунга шундай изоҳ берганди: "Бундан буён бу дунёга таваллудим ғаройиб воқеалар сирасида қайд этилади." Ва хато қилмади. Унинг шеърлари тезда мусиқага солиниб, қўшиқ қилиб куйланиб, зумда халқ ичига ёйиларди. 2000 нусхали тўпламнинг қайта нашри шоирга 400 фунт стерлинг келтирди, яна 100 гинни ноширга берилган қўлёзмаларини чоп этиш ҳуқуқи учун олди. Ўшандан кейин шеърлари шоирга бир пенс ҳам фойда келтирмади, ношир қалам ҳақи сифатида тўпламдан 20 дона китобни берди, бошида шуни ҳам учта деб келишганди. Қашшоқлик руҳи шоирни умри охиригача таъқиб этиб борди.
Роберт Бёрнс асарлари қиёси йўқ нафис қўшиқлар, балладалар, йўқловлар, эпиграммалардир. Ҳар қандай халқ шотландлар каби ўз Роби Бёрнсини севганидек ўз шоирини севмайди,
Улар учун шоир миллат ягоналиги рамзи, оддий одамларнинг ўй-хаёллари, изтиробларини акс эттирувчи намояндага айланган.

Умр- чексизлик ҳаракатида;
Қувонч- ситам, зулмат ва ёруғлик
Уларни сақлаб қолишда
Асло бурчлимас- зотан у йўқлик.