Oct 25, 2024
Бир ишбилармон қарзга ботиб, бундан чиқиш йўлини билмасди.Кредиторлар қисталанг қилишарди.Молини сотганлар тўлов талаб этишарди.У хиёбондаги ўтирғичда бошини қўйи эгиб,компанияни таназзулдан нима қутқаришини ўйлаб, гангиб ўтирарди.
Тўсатдан унинг қаршисида қандайдир қария ҳозир бўлди.
-Кўряпманки, сиз нимадандир безовтасиз?
Қария тадбиркорнинг сўзларини тинглаб бўлгач, деди:
-Фаҳмимча камина сизга кўмак кўрсата олади.
У тадбиркорнинг исмини сўраб,унга чек ёзиб, қўлига тутқазди ва деди:
-Сиз билан роппа роса бир йилдан сўнг учрашамиз, сиз пулларни ўша вақт ўзимга қайтаришингиз мумкин.
Ишбилармон қўлига қараганида ўша пайтлари энг бадавлат инсон ҳисобланган Жон Рокфеллер томонидан имзоланган 500 минг долларлик чекни кўрди.
“Муаммоларимга бир лаҳзада нуқта қўя оламан,”-деб ўйлади у.Аммо бунинг ўрнига тадбиркор нақд пулсиз чекни сейфда сақлашни маъқул топди.Биргина унинг борлиги ҳақидаги хаёл унга бизнесини сақлаб қолиш учун имкон топишга куч берарди.
У хушбин кайфиятда қайтиб, даромадли шартномалар тузди.Бир неча шундай фойдали келишувлар асосида ишлади.Бир неча ой ичида қарзларидан қутулиб, яна пул топа бошлади.
Бир ой ўтгач, у ўша чек билан хиёбонга йўл олди.Келишилган вақтда чол яна келди.Чекни унга қайтариб, эришган ютуғи сири билан бўлишишга ҳозирланаётганда,улар ёнига ҳамшира аёл югуриб келиб, қарияни эгнидан чангаллади.
-Уни ушлаб олганимдан жудаям шодман,-хитоб қилди аёл,-Сизни ортиқча уринтирмади деб умид қиламан. У доим уйдан қочиб кетади, ўзини ҳаммага Жон Рокфеллер деб таништиради.
Тадбиркор ҳайратдан карахт қотиб турар, тили калимага айланмасди.Чунки у бир йил мобайнида ярим миллион доллар маблағим бор деб ишониб, сотган сотиб олган, бизнесини қуриб, чоралар кўрганди.Тўсатдан у ўша мажозий ёки реал пуллар унинг ҳаётини остин-устун қилганлигини англади.Бу унга ҳозир эришган муаффақиятига куч берган янгича ишонч эди.
