Nov 23, 2021
Бир марта Лариса Гузеева эфирда қайсидир шаҳарга гастролга келганида уни кутиб олишмагани ҳақида сўзлаганди. У аэропортда ташкилотчиларга қаердасизлар деб телефон қилганида, улар "биз тарбандликка тушиб қолдик, Зўрға суғуриляпмиз, улгурмаяпмиз!" дея жавоб қайтаришган
Лариса дарҳол қайтишга чипта сотиб олди. Ва учиб кетди.
У"улгурмаяпмиз"ни ҳурматсизликдек қабул қилди: нега аввалдан учрашувга тайёргарлик кўришмаган? Эртароқ йўлга чиқишмаган?
"Сизни мен эмас, мени сиз кутиб олишингиз керак?" деди у бу унинг қатъий шеваси эканлигини уқтириб.
Менинг дугонам машҳур бизнес-тренер чиқишини уюштирди. У икки соатлик маърузасини келишиб, унинг нархини айтди. "Ҳар бир ортиқча ишлашимнинг 10 дақиқаси 7 минг рубль бўлади."
Яъни ташкилотчи спикер роппа роса 19 да саҳнага чиқиб, 21 да кетишини таъминлаши шарт. Агарда уни кимдир сўнгра тўхтатса, масалан, мухлислар, расм ва дастхат истаганлар- у бунга кўнади, лекин текинга эмас.
Шундай воқеаларни эшитганимда ҳайратланишдан чарчамайман. Ахир одамлар тўсиқ қўйишни эплашади. Вақтнинг қадрига етишни билишади. Баракалла уларга!
Мен эса билмайман.
Кеча Краснодардаги аэропортдан уйимга учаётганимда сипогина эр ва хотин менга яқинлашиб Москвада яшайдиган қизига ишонч хатини олиб бориб беришимни сўради. Бир вароқ қоғоз, нотариус тасдиқлаган.
Қизи учоқ кўнгач, мени кутиб ҳужжатни олади.
Бу қандайдир посилка бўлганда, уни олмасдим: қўрқинчли. Бу эса шунчаки ҳужжат- нега одамларга ёрдам бермаслик керак.
Мен бажонидил кўндим. Мен шошаётганимни тушунтирдим ва чиқиш йўлагида зудликда кутиш муҳим дедим: кимнидир ахтариб, атрофни кезишга вақтим йўқ. "Ҳа, ҳа, албатта"-ваъда беришди ота ва она.
Мана қўняпмиз.
Чипталарда қўниш вақти юкларни олиш вақтига қўшиб кўрсатилади. Агар унда 12.00 да қўнасиз деб ёзилган бўлса ( самолёт вақтида учса) , унда 11.40 да учоқ қўнади. 12 да эса жомадонингиз билан чиқиб кетасиз.
Мен ишонч қоғозига келиши керак бўлган қизга қўнғироқ қилиб, ўн дақиқадан сўнг чиқишимни айтдим ( чунки менда қўл сумкасидан бўлак юк йўқ.).
-Қанақасига?-ажабланади қиз.-Келиб бўлдизми? Сиз 20.35 да қўнишингиз керак эди, яна юкни олишга қўшимча вақт. Мен ҳозир йўлга чиқдим, тўққизга яқин етиб боришни режалаштиргандим.
Яъни қиз ўз вақтини қурбон қилишни истамай эртароқ келишга тайёр эмас, аммо менинг вақтимни қурбон қилса ҳам майлига. Мен эса учоқ вактида келганини тушунтиришга эриндим, нима қилишни ҳал этиш лозим эди.
Унга таклиф айтдим. Дедим:
-Ҳозир такси ушлайман, уйга кетаман, Аэропортда Каширка бўйлаб ярим соатлик йўлда яшайман. Унда сиз аэропортга келмасдан, ортингизга бурилинг, манзилимни ташлайман, мени подъезд ёнида кутинг.
-Мен аэроэкспрессга минганман, у соат 21 да етиб боради, чиқолмайман. Мени кутиб туролмайсизми?
-Иложим йўқ, -жаҳлим чиқа бошлади.-Мен шошаётганим ҳақида огоҳлантиргандим-ку.
-Ахир эрта етиб келган бўлсангиз бу менинг айбим эмас. Бу шароит тақазоси!- қиз ҳам вазиятдан норози.
-Биз ўз вақтида учиб келдик.
-Бунақамас-ку... Қўниш вақти кўрсатилган...
-Менга қаранг, яхши қиз, -совуққина дедим унга.-Сиз мени ўсал қилдингиз. Кекса ота-онангизга ҳурмат туфайли аэропортда бирор одам топиб, ҳужжатни бераман. Сиз келиб оласиз. Ҳеч кимни ахтармай, ҳеч ким билан келишиб ўтирмаслигим ҳам мумкин. Шундоқ уйга боргач, манзилни ташлайман, кейин бутун Москва бўйлаб мени қидириб юрасиз... Илтимос, бировнинг вақтини қадрланг, айниқса, сизга хизмат кўрсатишаётган бўлишса.
Ва қўнғироқни узаман.
Менинг тарафимдан бу қўполлик, лекин жуда чарчагандим.
Йўлдан ҳоригандим, яна бегона одамларнинг вақтимни олаётгани чарчатаётганди.
Аэропортдаги кичик қаҳвахона баристасига яқинлашаман.
-Шу ерга ҳужжат қолдирсам майлими, ярим соатдан кейин олиб кетишади.
-Минг рубль-жавоб беради бариста.
-Нега?-ҳайратланаман мен
-Чунки- почта эмасман.
Доҳиёна. Аъло кейс! Ажойиб дарс!
Ҳар қандай хизмат пул туради. Краснодардаги аэропортда кекса кишилар ҳужжат тутқазишганда уни баҳолаш миямга ҳам келмаганди,
Кимникигадир келди. Ва у яхши ҳам, ёмон ҳам эмас. Мен ҳам на яхши, на ёмонман, биз шунчаки ҲАР ХИЛМИЗ.
Натижада чипта сотаётган қиз билан келишдим. У зерикиб ўтирганди, унга вазиятни тушунтирдим ва бир ибора билан ҳазиллашдим:
-Агар сиз ҳам "минг рубль" десангиз, барчангиз бунча чаққон дея ҳушимдан кетаман.
У ўзганинг ишонч қоғозини текинга қўриқлашга кўнди.
Сингилжоним менинг.
Мен аэроэкспрессдаги қизга кассир қизнинг рақами ва қаерда жойлашгани ҳақида смс жўнатдим. Гаплашишни истамадим, сурбет деб ўйлайверсин.
Жавобига эса на "раҳмат", на" лаънат" бўлди.
Бу ҳам менга сабоқ. Миннатдорлик кутмасдан юрагинг буюрган яхшиликни қил.
Мени аэропортдан элтган таксичига бор воқеани сўзлаганимда, у бировнинг безбетлигини қувониб пуллаштиришини айтди. Мана унинг таклифи:
-кутишга тайёрман-беш минг.
-ҳужжатни берадиган одамни топаман-уч минг.
-уйимга кетаман, изимдан борасан-минг рубль (кайфият бузилгани учун).
Уфффф...
Худойим, дунё бу қадар бунчалар тез ўзгармаса.
Ортидан қараб улгурмаяпман.
Ольга Савельева.
