Dec 31, 2022
Техаслик тарих ўқитувчиси Лесли Раш ўз оиласида авлоддан авлодга Санта ҳақидаги ҳақиқатни қандай ҳикоя қилишлари ҳақида ёзди. Мазкур усул шу қадар ажойибки, бизда уни барча билан бўлишиш истаги уйғонди.
-Бола 5-6 ёшга кирганида Сантанинг борлиги ҳақида гумонга бора бошласа, демак у энди бунга тайёр. Одатда уларни қаҳвахонага етаклаб, емакка буюртма бериб бўлгач, шундай нутқни сўзлайман: "Сен, албатта, бу йилнинг ичида анча улғайдинг. Нафақат бўй-бастинг ўсди, кўряпманки, юрагинг ҳам катталашди. Шу даражада вояга етдингки, ўзинг ҳам Санта бўлишинг мумкин. Фаҳмладингми, сен кўрган Санта Клаусларнинг кўпчилиги уларнинг кийимини кийиб олган бошқа одамлардир. Айрим дўстларинг унинг аслида мавжуд эмаслигини сенга айтишган. Кўпчилик болалар шундай ўйлашади, чунки улар Санта бўлишга тайёр эмаслар. Сен эса бунга тайёрсан. "
(Овозингиз одатдагидан кўра бошқача сирли жаранглашига урининг.)
Боладан қандайдир кишини, масалан, қўшнисини танлашини сўранг. Боланинг вазифаси махфий равишда бу одам нимага муҳтожлигини билишдир, бу буюмни тилларанг қоғозга ўраб, уни етказиш лозим. Ва буни айнан у қилганини ҳеч қачон ошкор этмаслик керак. Санта бўлиш бу ўзини мақташ эмас, бў бетаъма бировга бир нима туҳфа этишдир.
Менинг тўнғич ўғлим бурчакда яшайдиган "ялмоғиз хола" ни танлади. Хола ростдан ҳам қўрқув уйғотарди, уйи атрофида деворгуллар ўсганди ва у болаларга ичкари кириб копток ёки фрисби ўйнашларига йўл қўймасди.У доим болаларга секинроқ ўйнашларини айтиб бақирарди. Ўғлим мактабга кетаётиб ҳар тонг ҳовлига почтани олиш учун аёл оёқяланг чиқишини кузатди, демак унга шиппак керак деган қарорга келди.
Хуллас у буталар орасида айғоқчидек яшириниб, хола қайси ўлчамдаги шиппак кийишини аниқлади.
Биз унга иссиқ шиппак сотиб олганимизда ўғлим уни ўраб, тепасига "Сантадан Янги йил билан!" деган ёзувни елимлади. Бир оқшом кечки овқатдан сўнг қўшни аёлнинг уйига йўл олиб, эшик тагига совғани қўйди. Эртаси куни аёл ҳовлига чиқиб, совғани олиб, уйига кириб кетганини кўрдик. Ўғлим бундан кейин нима бўлишига қизиқиб сабри чидамасди. Кейинги тонг эса уни янги иссиқ шиппакни кийган ҳолда почтани олаётганига кўзимиз тушди. Ўғлим қувончдан боши осмонда эди. Мен уни бу ишни айнан у қилгани ҳақида ҳеч ким билмаслиги кераклиги ҳақида огоҳлантирдим, акс ҳолда у ҳеч қандай Санта бўлмай қолади.
Кейинги бир неча йилларда у кўплаб кишиларга совға тайёрлади ва бунда уларнинг ҳар бири учун уларга тўғри келадиган буюмларни танлади. Бир йили у ўзининг велосипедини ҳафсала билан тозалаб, унга янги эгар ўрнатиб, уни дўстларимиздан бирининг қизига тортиқ этди. Улар жудаям камбағал яшашарди. Қизнинг отасидан бу унга жоизлиги ҳақида ҳам сўрадик. Қизчанинг уйи олдида велосипедни кўрганидаги юзига югурган севинч ифодаси таққослаганда ўғлимники билан деярли бир хил эди.
Кичик ўғлимга бу ҳақда сўзлаш мавриди етганда тўнғичим буни ўз бўйнига олди. Ҳозирда уларнинг иккаласи ҳам ажойиб "совға улашувчилар"дир, ва улар бу билан ўзларини ёлғондакам иш қиляпмиз дея ҳис этишмайди. Ахир улар Санта бўлиш сирини шундан иборат деб билишади.
