Ҳаёт кутмайди

Агата Кристидан 24 ёшли Макс Мэллоун қўлини сўраганда у 40 ёшда эди. Макс Агатани жуда севарди. Ўша даврларда 40 ёш кексалик ҳисобланган. Уларнинг ёши ўртасидаги фарқ ҳам анчагина эди.
Агата ақл билан синглисига маслаҳат солди. Синглиси ҳам ақл билан унга кутиб туриши лозимлигини айтди. Ахир Агата ундан жуда катта. Айтарли равишда кексайган аёл. Шунинг учун шошиш керакмас. Ўз ҳис-туйғуларини жиловлаб, уникини ҳам синовдан ўтказиш лозим. Айрилиқда уч йил кутса бас. Ўшанда барчаси аён бўлади: бу асл севгими ёки эрмак?
Ва ўшанда Агата қарор қабул қилди. Синглисига аниқ-тиниқ ва оддийгина жавоб берди: "Биласанми, уч йил ичида яна кексаяман. Умр ўтаверади, вақт шошқалоқ. Менимча, Макс таклифига тезда кўниб, унга турмушга чиқаман. Тағин кейин у фикридан қайтиши мумкин."
Ва бу чиндан ақлли ва басоғлом қарор эди. Баъзида борини кутиб, текшириб чиқишга тўғри келади. Лекин ҳаёт ўтмоқда. Имкониятлар қўлдан кетиш арафасида. Ва поезд перрондан силжийди-ўзингни ҳар куйга солганингда, кутаверсанг, етти ўлчаб бир кесаверсанг унга улгурмаслик мумкин.
Агата эса турмушга чиқди, эри билан жуда кексайгунга қадар бахтли яшади. Башарти кутганида қариб қоларди. Йигит ҳам бундан чарчарди, шунақаси ҳам бўлади.Сўнг эса уруш бошланди, Агата ва Макс ундан мўъжиза билан омон чиқишди. Хуллас аниқ бир қарорга келиш кечиктиришларни ёқтирмайди. Гап туйғуларимиз, янги имкониятларғмиз ҳақида кетганда темирни қизиғида босган маъқул.Иккинчиси содир бўлмаслиги мумкин. Уч йил эса-инсоннинг қисқагина умри учун айтарли узоқ муддат.
Макс ва Агата биргаликда 45 йил яшашди. Кўпчилик жуфтлик никоҳи истиқболига шубҳа билан қарашганди.
Адиба учун турмуш ўртоғи ҳаётида энг асосийси эди. Ҳатто набирасини ҳам"иккинчи севимли эркаги"дея санаган. Кўплаб интервьюларида Макс ва Агата "муҳаббат" сўзидан қочишиб, ўрнига "омад"," бахтли тасодиф" сўзларини қўллашган. Ўз умрини хулоса қиларкан, Агата Кристи Макс Мэллоун билан учрашувини тақдиридаги энг муҳим ҳодиса деб атаган. "Парвардигорим, менга туҳфа этилган муҳаббат учун сендан бениҳоя миннатдорман."


А. Кирьянова