Dec 07, 2021
Француз киноактёри Ален Делон пластик жарроҳлик амалиётларига доим салбий муносабат билдириб келган. 90-йиллардаёқ энг илғор пластик жарроҳлар 60 ёшларида унга ортиқча ўн ёшни орқага ташлаб, ёшаришни таклиф этишган, лекин актёр бундай имкониятни рад қилган.
Ален Делон ҳаёт бўйлаб файласуфдир, шу сабабдан ўз ёшини иллат эмас, балким афзаллик дея санайди. Актёрнинг айтишича, йиллар ўтиши сайин ёшига мос роллар учрамоқда, бу эса унга навқирон қаҳрамонлардан кўра қизиқарлидир. Шунинг учун ўтиб кетган ёшликнинг изидан қувиш ортга қайтишдир, у эса олдинга интилишни истайди.
Унинг тушунчасига кўра, аслида қандай бўлганингдан бошқача кўриниш ҳақиқий эркакка хос фазилат эмас.
"Ясама ёшликдек аҳмоқ нарса йўқ- ўзингни алдай олмайсан, одамларни эса устингдан кулдиришинг мумкин."
2017 йили Ален Делон расмий равишда актёрлик карьерасини якунлаганини эълон қилди ва бизнесга эътиборини қаратди. У ташкил этган компаниялар муваффақиятли тарзда продюсерлик ҳамда турли моллар ишлаб чиқариш билан машғул.
Киноюлдузнинг ёшлик йиллари ҳақида турли афсоналарни бичиб тўқишган. Маълумки, ота-онаси ажрашгач, бола тарбиясига масъулликни бирортаси ўз бўйнига олишни ҳоҳламади, сўнгра у бегона оилага қабул қилиниб тарбияланди.
Актёрнинг ўзи бизнесини Женевадаги ҳашаматли уйидан туриб бошқаради, бу уй энг кўп йиғилган қадимий буюмлар шахсий коллекцияси сифатида ҳам донг таратган.
У мактабда ёмон ўқиган, безорилиги билан ажралган, бироқ қизлар мактабдаги энг чиройли ўсмирнинг севгисини қозонишга талпинишган. Ёшлигида ёқимли ҳусни жамоли орқасидан қандай фойда топиши мумкинлигини у тушуниб етмаган.
"Агар ўшанда шундай кучли қурол ва ҳокимиятга эга эканимни билганимда, карьерамни колбасачи этиб бошламаган бўлардим... Охир-оқибатда ўзим учун ўзим ҳеч нима қилмадим, мен учун барисини аёллар қилишди..."
"Колбасачи" деганда у отаси бизнесини, колбаса ва гўштли яриммаҳсулотлар ишлаб чиқарган кичик компанияни назарда тутади. Мактабдан сўнг, у отасига кўмаклашишга уринди, кейин эса барисига қўл силкиб, француз легионига ҳарбий хизматга ёлланди.
Бир неча йиллик армиядаги хизмат ёш йигитга яхши томонлама таъсир кўрсатди. У масъулиятли ва интизомли бўлиб борди, энг асосийси шу ерда айнан киноактёр бўлишни исташини тушуниб етди.
Мана жудаям ёрқин ва беқиёс ижод ортда қолди- таниқли режиссёрларда қирқдан ортиқ бош ролларни ижро этди. Ален Делон жаҳоннинг ҳар даврдаги энг машҳур актёрлар ўнталигига киради. Лекин унинг сўнгги интервьюси тушкун кайфияти билан хавотир уйғотади. У очиқчасига ҳаммасидан ҳафсаласи пир бўлган:
"Ўшанда ҳам пуллар бирламчи эди. Аммо пул билан ўлчанмайдиган қандайдир нарсалар бор эди. Бугунда эса бундай нарсалар қолмади. Бунақа замонавийликдан чарчадим, ва вақти етганда, ҳеч афсус чекмай бу оламни тарк этаман..."
(Cinema маълумотлари асосида.)
