Dec 12, 2024
Хетти Грин Гиннеснинг рекордлар китобига расман "жаҳон тарихида учраган энг зиқна аёл" сифатида киритилган.
1835 йили Америкада туғилган, бадавлат бизнесменнинг ёлғиз қизи эди. У отасидан 7,5 миллион доллар миқдорида (ҳозирги даврга миллиардлаб) мерос олган. 21 ёшида Уолл-Стритни сармоялаш учун Нью-Йоркка кўчиб ўтади. Бунинг эвазига "Уолл-Стрит ялмоғизи" деган лақабни ортиради.
Хетти миллионерга турмушга чиқади, биров ўта тежамкор яшайди, озиқ-овқат дўконларидан торт қолдиқларини ва синган печеньеларни тановул қилади, ҳар куни кучуги учун бепул суякка тортишади. У жудаям бахил бўлиб, ўн олти ёшида тиккан ич кийимни ўлимига довур кийган.
У деярли бир чақа ҳам сарфламаган, айтишларича, ҳеч қачон иссиқ сувдан фойдаланмаган, йиртилиб тўкилмагунча битта қора кўйлакда юриб, нархи икки центлик пирог еган.
Ўғлининг оёғи синганда пул ишлатмаслик учун уни даволашни кечиктиради, бу эса оёқнинг кесилишига олиб келади.
Хетти Грин 1916 йили 81 ёшида вафот этади ва дунёдаги энг хасис одам дея рекордлар китобига киритилади.
У хизматкор аёл билан унинг маошига озгина қўшимча пулдан ранжиб жанжаллашиб, оқибатда миясига қон қуйилади.
Зиқналигига қарамай, Хетти улкан бойлик қолдиради. Унинг фарзандлари фарқли равишда сахий чиқишди, унинг қизи ҳатто меросдан қолган маблағ эвазига бепул шифохона ҳам қуриб битказади.
