Jan 21, 2022
Стив Жобс унча узоқ вақт эмас, бундан ўн йилча муқаддам 56 ёшида касаллик туфайли оламдан кўз юмди. У ҳаёти давомида бутун дунё учун қадрли ҳисобланган кўп ишларни қилди. У бир ўзи ишламади, унинг отдоши, яъни Стив исмли, фамилияси Возняк бўлган ҳамкор оғайниси ҳам бор эди. Илк компьютерни айнан у йиғди, Жобс эса асосан реклама билан шуғулланди ва ҳомийларни жалб этди.
Стив Pixar студиясини очди, айнан шу ерда " Ўйинчоқлар тарихи ", "Маҳлуқлар корпорацияси" мультфильмлари яратилди, Шахсий можаролар юзасидан у Aplle компаниясини тарк этди, сўнгра яна бу ерга қайтди. Компания тугаб бўлаёзган, ўта ачинарли аҳволда эди. Жобс уни қайта оёққа турғазишга қарор қилди, нафақат эпақага келтиришга, балки-да мустаҳкам куч тўплаб олишига интилди ва охири бунга эришди.
Компаниянинг тикланиш жараёнида барча хайрия тадбирларини бекор қилишга, айрим жамғармаларни тугатишга тўғри келди, Бунинг боиси этиб, ортиқча маблағ йўқлиги келтирилди. Буларнинг бари ташкилот ўсиши учун зарур эди.
У вафот этганида ҳисобида етти миллион долларга яқин пули бор эди. Ҳаётлигида у жудаям қашшоқ яшаган, камбағаллар бепул емак тарқатиладиган черковларда овқатланган, дўстлариникида тунаган. Айрим палапартишлик унга доим ҳамроҳ бўлиб қолганди. Шундай воқеа юз берган, у бутунлай ювинмай қўйганидан, эгнидан бадбўй ҳид анқирди, уни тунги сменага ишга ўтказишади. Ҳамкасблари исидан норози бўлиб, унинг устидан шикоят қилишганди.
Стив кийим танлашга вақт ажратишни ёқтирмасди, шунинг учун бир жуфтдан бир хил жинси шим, кўйлак, водолазка ва футболка сотиб оларди, уларни такрор ва такрор кетма кет киярди, эрталаб уйғониб нимани кийиш ҳақида бош қотириб ўтирмасди. Кийимларнинг ранги ҳам бир хил эди.
Ниҳоят уй сотиб олгач, уни жўяли таъмирламади, каровот ҳам харид қилмади, аслида пули етарли эди. У меҳмонхонасида ерга кўрпа тўшаб ухларди. Албатта, у ўз ташқи қиёфаси ҳақида ўйлаган, чунки доим компания ишлари юзасидан музокаралар олиб борарди. Барибир шундай йўсин турмушини айтарли енгиллаштирарди.
Унинг характери анойи эмасди. У доим ўйлаганини юзга шартта гапирарди, бу кимгадир ниҳоятда ёқса, кимнингдир кўзи ва қулоғини тимдаларди. У яна ўз ақлига ҳаддан зиёд ишонарди. У бировдан маслаҳат сўраса, албатта, бунга доим қулоқ тутиш нари турсин, амал ҳам қилмасди.
Умуман унинг чапдастлиги, ўзига ишончи, мақсад сари интилувчанлиги замонавий технологиялардан тортиб энг оммавий бренд кўринишида ажойиб ҳосилини берди. Компания ҳозирга довур ривожланиш ва шаклланишда давом этмоқда. Янги гажет девайслар чиқармоқда. Компанияга тегишли телефон ва мак бук ҳақида кўпчилик орзу қилади. Ҳатто фильмларда ҳам аксарият ҳолларда ишлаб чиқарувчи Aplleга мансуб ноут, телефон ва бошқа мосламалар кўрсатилади.
"" Ўзгалар фикри шовқини ички овозингизни бўғиб ташлашига йўл қўйманг. Юрак ва ҳис туйғуингиз ундовига боришга жасорат кўрсатинг. Улар сизни қайсидир маънода аслида ким бўлиб етишишингиз ҳақида билади. Қолган барчаси иккиламчидир. "-деганди Жобс.
Унинг ўзи айнан шу ҳаётий таомилга қараб ҳаёт кечирди. Мазкур фикрлар замирида ўз камолоти йўлида фақат ички шуурга таяниш, мақсад йўлида бунга зид ёки ҳалақит берувчи ёт муносабатлар билан ҳисоблашмаслик мазмуни ҳам ётади.
Стив Жобс сўнг сўзи:
"Мен тадбиркорлик дунёсида шуҳрат чўққисига кўтарилдим, ўзгалар назарида ҳаётим омад моҳияти бўлиб туюлади. Бироқ ишдан бошқа менинг қувончим кам.
Охир-оқибат, бойлик- кўникканим шунчаки оддий бир турмушнинг жиҳати.
Айни лаҳзада тўшакда бетоб ётганимда, бутун умримни хотирлаяпман. Ва мендаги эътироф ва бойлик дахл қилаётган аниқ ажал қаршисида бемаъно, ҳар қандай мазмундан маҳрумлигини тушуняпман.
Сиз
мошинангизни кимлир бошқаришига,
сиз учун кимдир пул топишига
одам ёллашингиз мумкин.
Бироқ ҳеч қачон бор пулингизга бирор кимсани ўрнингизга касал бўлиб туришига ёллай олмайсиз.
Моддий нарсаларни топиб, сотиб олиш мумкин.
Фақат бир нарсани- у йўқотилган бўлса, - "ҳаёт"ни топиб сотиб олиб бўлмайди.
Ўзингизга эрк, парвариш беринг.
Ва қолганларни эъзозланг.
Ёшимиз каттарган сайин эсимиз ҳам улғаяди,
Ва тадрижан тушуниб етамизки,
30$ турадиган соат ҳам,
300$ турадиган соат ҳам,
бир хил вақтни кўрсатади.
Ёнимизда 30 ёки 300 $ лик ҳамён олиб юрсак-да, иккиси ҳам бир хил миқдордаги пулни сиғдиради.
300 кв.метр ёки 3000 кв. метр майдондаги уйда яшасанг ҳам бир хил тарзда ёлғизсан.
Чинакам ички бахт ҳиссингиз бу дунёнинг моддий нарсаларидан келиб чиқмайди.
Агар сиз учоқда биринчи класс ёки тежоқли классда учаётган бўлсангизу, мабодо у қуласа, у билан бирга қулайсиз.
Демак...
Умид қиламанки, агар дўстларингиз ёки гаплашишга кимдир бор бўлса, асл бахтиёрлик шу эканини тушундингиз!
Баҳслашишга ҳожат йўқ далиллар.
1.Фарзандларингизни бойликка тарбияламанг. Уларни бахтли бўлишга тарбияланг.
Чунки, вояга етишганда, нарсаларнинг нархига эмас, қадрига етишади.
1.Таомни дори каби тановул қилинг.
Акс ҳолда дорини овқат сифатида ейишингиз мумкин.
3.Сизни севганлар уларда бунга 100 % важ-карсон бўлса-да, сизни тарк этмайди- у қатъий туришга битта сабаб топиб, сизни ташлаб кетмайди.
4.Инсон ва инсоний бўлиш ўртасида улкан фарқ бор,
Мабодо тез илдамлаб борсангиз- ёлғиз юринг!
Бироқ узоққа кетмоқчи бўлсангиз,
бирга боринг! "
