Feb 17, 2021
Истеъдодли футболчи 1985 йилнинг 5 февралида Португалиянинг Мадейро оролидаги Фуншал шаҳрида туғилган. Уни болалигида Ронни деб аташган.Боланинг отаси Жозе Диниш Авейру боғда ишлаган, онаси эса Мария Долореш ошпазлик қилган.Ронни оилада ягона фарзанд эмасди,лекин энг кенжаси эди.Бўлғуси футбол юлдузи ота-онаси, акаси Угу ва опалари Эльма, Лилиан билан биргаликда бир хонадонда истиқомат қилган.Улар Криштианудан 10 ёш катта бўлишган.Болага исмни отаси севимли актёри Рональд Рейган шарафига қўйган.
Авейру оиласи камбағал, улар кичикроқ уйда яшашган.Уй жудаям эски бўлиб, кичиклигидан кир ювиш машинасини ҳатто чордоққа чиқариб жойлаштиришга тўғри келган.Бунга қарамасдан, улғайган Роннининг гувоҳлик беришича,ота-онаси фарзандларига ҳеч нимани зориқтирмай, уларни бекаму кўст вояга етказиш учун тинимсиз меҳнат қилишган.
Кичкинтой Роннига тортиқ этилган илк совға футбол тўпи бўлган.У икки яшарлигидаёқ ҳовлида тўп тепиш билан машғул эди, олти яшарлигида эса у бу спорт турига буткул маҳлиё бўлиб қолган, шу туфайли совға учун доим копток сўрайверган.Болакайни ҳеч қандай видеоўйинлар, велосипед ва компьютер қизиқтирмаган, у нуқул ўзи истаган совғани қўлга киритиш иштиёқида бўлган. Ўйинга берилиб у ҳатто овқатланишни, уйқуни, дарс қилишни унутган, шунинг учун у мактабда ёмон ўқиган.
Ҳозирда спортчининг юртдошлари у бутун умр муттасил коптокнинг изидан қувган дея таъкидлашади.Болалар мактабларда унинг исми ва рақами туширилган футболкалар кийишади, ўқитувчилари эса бу болакайнинг таълимни суст ўзлаштиргани ҳақида ҳазиломуз хотирлайдилар.Унинг таржимаи ҳоли шу қадар афсона ва тўқималар билан тўлиб тошганки, қайси бири ҳақиқат ёки ёлғонлигини ажратиш амримаҳолдир.
Маълумки, саккиз ёшида Ронни “Андоринья” болалар футбол жамоасига қабул қилинади.Бу ерга у командага маъмурлик қилган отаси туфайли қадам ранжида қила олади.Команда президенти дарҳол истеъдодли болакайни пайқай олди, жамоада уни “андоринья” деб чақира бошлашди.Португал тилидан бу лақаб “асалари” деган маънони англатади.
Саккиз ёшидан ёш футболчи трансфер қилинадиган бўлинди.Энг кучли жамоалардан бири уни сотиб олди.Шу тариқа Ронни бир йил тўлиқ “Насьонал” таркибида тўп сурди.Ундан кейин у “Спортинг” клубига бош суқиб кўрди, бу уни 11 ёшида Португалия пойтахтига кўчиб ўтишига ёрдам берди.
Янги клубда Криштиану ўзини ниҳоятда бесаранжом ҳис қиларди. Унинг оролча лаҳжада сўзлашини ҳеч ким тушунмас,жамоа сардори унинг семириб кетаётганини танқидга тутар , синфдошлари эса очиқча уни масхаралашарди.Бундан ташқари у мактабда ўрнатилган тартиб-қоидаларга риоя этишни қатъиян истамасди.Ўзидан кейин идиш-товоқларни ювиб қўйиш сўралса Рональду бақириқ билан жавоб қайтариб, оқсочга айланиб қолишни ҳоҳламаслигини баён қиларди,жазо сифатида ўспирин бир ҳафта мобайнида ахлат ташишига тўғри келди, бироқ Ронни бундан ҳам бош тортарди.Охир-оқибатда аҳвол шу даражага етдики,уни халқаро турнирда иштирок этишига йўл қўйишмади.
Пойтахтда футболчи ўзини танҳо сезарди, ота-онасига олиб кетишларини сўраб, тинмай қўнғироқ қиларди.Ҳадеб ғавғолар ва жазоланиш унинг ақлини бир қадар жойига келтирди, лекин футболчи мудҳишона ноқулайликдан барибир халос бўлолмасди.Шунинг учун клуб эгалари онасининг кўчиб ўтишига ёрдам беришди. Шундан сўнг Криштиану бу ерда бўлганидан ҳатто ҳузурлана бошлади.
2005 йилда Криштианунинг отаси оламдан ўтади.Мазкур ҳодиса унга кучли зарба, бир вақтнинг ўзида сабоқ ҳам бўлади. Чунки Жозе жигар циррозидан вафот этган, шу сабабли футболчи ҳеч қачон ароқ ичмасликка аҳд қилади.
Сўнгроқ “Спортинг” раҳбари футболистларнинг ютуққа эришиши учун улар тана, бадан жиҳатлари алоҳида ўрганилгани ва бетиним машқларга жалб этиш бунга гаров бўлганини айтганди.Мутахассислар унга олти йил дарс ўтишади.2001 йили Ронни илк марта Лиссабоннинг “Атлетико” жамоасига қарши ўйинда майдонга тушади.Мухлислар ундаги ғайриодатий куч-ғайратни кўриб,дарҳол ёқтириб қолишади.Бир йилнинг ичида бу ўсмир йигит футбол академиясининг тўрт босқичини босиб ўтади.У мазкур клуб тарихида шу мақомдаги илк ва ягона ўқувчи бўлиб қолади.
Маҳоратли футболчи нафақат мухлислар, мураббийлар диққатига ҳам тушганди.Айримлари ёш футболчи билан алоқага чиқишдан чўчишганди, бироқ 2003 йили Алекс Фергюсон уни сотиб олишга қарор қилади.12.24 миллион фунт стерлинг маблағ эвазига у “Манчестер Юнайтед” жамоасига трансфер бўлиб ўтади. У мазкур жамоа тарихида энг кўп ҳақ тўланган ўйинчига айланади, шунингдек, Британия терма жамоаси таркибига киради.Криштиану туфайли “Манчестер Юнайтед” Чемпионлар Лигаси ва Жаҳон чемпионатида ғалаба қозонади.
Бир лаҳзанинг ўзида ёш йигит барча журналлар муқовасидан жой олади, унинг гонорари кўпчиликда ҳайрат уйғотади.Британия клубидаги икки мавсум ўйинда у 12 млн фунт стерлинг маблағ олади, унинг асосий қисмини у оиласини турмушини яхшилашга сарфлайди.Энг ажойиб меъморни чақириб, ота-онаси учун уйга лойиҳа буюртма қилади.Акаларини Манчестерга келтиради, улар сўнгроқ футболчига маъмурий масалаларни ечишда кўмак беришади. Опаларидан бири спортчининг шарофати билан кабарега қўшиқчи сифатида жойлашади,иккинчисига эса бутиклар тармоғини ҳадя қилади.
Бир вақтнинг ўзида футболчи “четдан пул топиш”га ҳадди сиғади, тортинмайди.У таржимаи ҳолини чоп этган нашриёт билан кўп миллионлик шартнома тузади.Шунингдек, Ронни журналлар учун мунтазам суратга туша бошлайди, чунки унда ростдан ҳам оммага кўрсатадиган нимадири бор эди, йигит кунига 3 минг марта пресс машқларини бажарарди,педикюр, соч турмаги ва бошқа ўзини намойиш этишга зарур амалларга риоя этарди.Ёши ўтган сайин у спортзалига камроқ борадиган бўлди, бироқ жуссасини меъёрда ушлай олди.
Ҳамкасблари уни ўйин пайтидаги ўзига хос қилиқлари учун ёқтиришмасди Уларга футболчининг “қолипга сиғмайдиган” рақслари, пенальтига жиғ тегдириш, ёлғондакам йиқилиб тушишлар ва ҳар хил юз буриштиришлар ғўр боланинг инжиклигидек туюларди.Рональдуни ўзига ниҳоятда мафтун ва ишончи юксак ҳисоблашарди.Уни бир неча марта матч вақтидаги ҳуштак чалишлари ва беўхшов ҳатти-ҳаракатлари учун майдондан четлаштиришган.Аммо йигит, бола пақир ўз услубини ўзгартирмоқчи эмас, у шу ҳолида жаҳоннинг энг ажойиб ҳужумчиларидан бири бўлиб қолиш ниятида.
Узоқ вақт оралиғида “Реал Мадрид” клуби вакиллари футбол даҳосини сотиб олиш пайида бўлишди.2009 йилнинг июнь ойида ахийри улар футболчи билан келишувга боришди, бунга 80 млн фунт сарфланди.Ронни шериклари билан енгил ва самимий хайрлашди, у Фергюсон унга барчасига ўргатган иккинчи падари бузруквор бўлиб колганлигига инонтирди.
Португалияликнинг шахсий ҳаёти борасида ҳар хил мишмишлар юради. У бир неча бор чақирув бўйича келадиган қизлар даврасида пайқалган.Унинг маъшуқалари қаторида таниқли шахслардан ташқари оддий аёллар ҳам бор.Улар модель кўринишидаги қиёфаси билан ажралиб туришади.
2009 йили йигитнинг ҳаётида Неренду Гарьярдо исмли қайлиғи пайдо бўлди ва уни дарҳол оила аъзоларига таништирди. Бироз вақт ўтгач, Криштиану итальян модели Летиция Фелиппи билан уннаб кетди, шу туфайли уларнинг ораси узилди.2010 йили Ронни матбуотга ўзининг беникоҳ фарзандини таништирди, ҳозирга довур боланинг онаси кимлиги ошкор этилмаган. Гўдакка у отаси шарафига исм қўйган.
Ўша йили тасвирга олиш жараёнида спортчи рус модели Ирина Шейк билан учрашиб қолади.Уларни замонавий дунёнинг гўзал жуфтлиги деб тан олишган, бироқ беш йил ўтгач ошиқлар бир биридан айрилишди.Тўғрироғи, футболчининг узлуксиз хиёнати мазкур муносабатга чек қўйди.Рональду Пэтрис Хилтон, Рафаэлла Фича билан ҳам ишқий алоқаларда бўлган.Унинг Лусия Виллалон билан узоқ давом этмаган муҳаббат можароси ҳақида ҳам мишмиш мавжуд, ундан кейин эса украин модели Яра Хмидан билан севги ўйинларини бошлади...
