Dec 12, 2021
Биринчи жаҳон уруши тугагандан кейин бир оз вақт ўтгач, "Сион донишмандлари протоколи" ўз "фаолиятини бошлади". 1921 йили августида мавҳум бир матн қалбаки эканлиги исботланган эса-да, Гитлер, Геббельс ва бошқалар, бу "бутунжаҳон фитнаси" га ишонишган.
Кенг кўламдаги оғир оқибатларга олиб келган мазкур қалбаки ҳужжат тили ва жумлаларига қараб 47 дан 78 саҳифагача боради. Бу қисқа матн, аммо миллионлаб кишиларнинг умрига завол бўлди. Биринчи рус нусхасида 18 мингта, кенг тарқалган немис тилидагисида 24 мингга яқин сўзни қамрайди. "Сион донишмандлари протоколи"сиз Гитлернинг ирқчи антисемит идеологияси бўлмасди, бу эса бевосита Холокостга олиб келди.
Бу ёвуз протоколларда ўзи нима дейилган? Протоколлар бутун дунёни босиб олиш муҳокама этилган "бутунжаҳон сион етакчилари"нинг 1987 йилдаги сионистлар конгрессидаги ўта махфий учрашуви яширин ёзувлари ҳисобланади. Унда гўёки пуллар бир ҳовуч яҳудийлар қўлида тўплангунча иқтисодий инқироз келтириб чиқариш ниятида дунёвий маблағлар сунъий тақчиллигини юзага келтириш ҳақида гап кетади. Ҳатто" антисемитизм" ҳам "протокол" да айтилишича яҳудийлар ихтиросидир.
Бемаъни мазмун-моҳиятнинг ўзи бунинг фитна назарияси эканидан далолат беради. Бир неча тилларга таржима қилинган 1921 йилнинг августида Лондондаги "The Times" газетасида чоп этилган туркум мақолаларда бунинг сохталиги исботлаб берилган. "Протоколлар" аслият бўлиши мумкин эмас, чунки улар 1864 ва 1868 йилларда нашр этилган иккита матнга асосланиб тузилган, яъни немис тилида саёз ва оммабоп романдаги боблардан биридаги тўқима Макиавелли ва Монтексье мулоқоти кўчирмасини ташкил қилади.
Ундан парчалар Россия газеталарида афтидан туркум мақолалар сифатида эълон қилинган, брошюра тарзида эса 1905 йили чиққан. Биринчи жаҳон урушидан сўнг эса " протоколлар"нинг чинакам карьераси бошланди- қисқа вақт ичида у 18 тилга таржима этилиб, дунё миқёсида тарқалди ва фош этиш ҳаракати деб тасаввур уйғотилди.
Гитлернинг ўзи "протоколлар" ҳақида 1921 йилнинг августидан кечикмай таниш бўлди, Мюнхень ва Розенхемдаги маърузаларида уларни яҳудийлар фитнаси ортида дунёни бошқариш мақсади борлиги ҳақидаги ўз фикрларининг исботи этиб кўрсатди.
"Ўйлашимча, " Сион донишмандлари протоколи" қалбаки,- деб ёзганди 1924 йилнинг 10 апрелида НСДАП мафкурачиси Йозеф Геббельс, лекин у сўнгра шундай қўшимча қилган.- ундаги дунёқараш ёки яҳудийлар эҳтироси утопик ва хомхаёл туюлгани учун бундай фикрга келмадим, чунки яҳудийларни муҳим протоколларни махфий сақлашни билмайдиган ўта нўноқ ва аҳмоқ деб кўра олмайман. "
Ҳатто антисемитизми Гитлердан ошиб тушадиган Геббельс ҳам германистика соҳасида докторлик даражасига эга бўла туриб, матнга техникавий танқид кўзи билан қарашга иқтидорсиз чиқиб, бемаъни хулосага келди: "Камина протоколларнинг аслияти бор ёки йўқлигига эмас, унинг ички ҳақиқатига ишонади." Бундай беақл хаёлга борилмаганда Освенцим ёки бошқа оммавий қатл даргоҳлари бўлмасди.
Ҳатто XXI асрда ҳам мазкур ёмон қалбакиликка ишонаётган одамлар бор. "Протоколлар" қандайдир антисемитизм инжилига ўхшаш мазмунга ҳам эгадир.
Свен Феликс Келлерхофф, Die Welt, Германия
