Jan 24, 2023
Sony- даставвалига камтарона одимларни ташлаб сўнгра электроника ва видеоўйинлар даврини белгилаган медиаконгломератга айланган оз сондаги компаниялардан биридир. Бу нимадан бошланди? Қисқача шу ҳақда.
Компания туғилиши.
1946 йили собиқ аскарлар Масару Ибика ва Акио Морита Токионинг ёнғинга учраган савдо марказидаги техник жиҳозлар таъмири бўйича кичкина шохобчани очишади. Хизматдошлар бошланғич илк сармояни Акионинг отасидан олишади. Урушдан кейин аҳолида таъмирталаб техника кўп эди, шунинг учун бизнес катта суръатларда ўсиб борди.
Бироқ икки йигит нуқул таъмирлашда тўхтаб қолишни исташмади. Улар ўз маҳсулотларини яратишни ҳоҳлашди. 1948 йили бозорда биринчи электр грелка-иситгич пайдо бўлиб, қўлма қўл бўлиб зудликда сотилди. Ҳатто ҳозирда ҳам японлар кўп миқдорда ўша грелкаларни сотиб олишади. Йиллар ўтавериб, компания талибгир бўлган турли маҳсулотларни чиқарди, аммо булар кенг дунёга маълум эмасди. Барча Японияда ишлаб чиқарилган маҳсулотлар сифати паст деб ҳисобларди.
Чинакамига Sony дан инқилобий мол 1979 йилда яратилди. Бу кассетали мусиқали плеер Sony Walkman эди. У орқали мусиқани ҳаракатланиб қулоқчинда тинглаш имкони мавжуд эди. Бу ўша даврда ростакамига ўта ҳайрат уйғотувчи ҳодиса эди. Японияда бунга талаб юқори эди, бироқ плеернинг овозаси АҚШга етиб боргач, талаб икки баробарга ошди. Айнан плеер Sony шуҳратининг кенг миқёсда ёйилишига таъсир кўрсатди. Walkman плеери мусиқа ўйнагич асбоблар ичида эталон бўлиб хизмат қилди. Бу гўё плеерлар орасидаги IPhonдек эди. Ўшандан буён япон маҳсулотлари сифатли деб кўрила бошланди.
Факт. Агар кимда ким Marvel нинг "Галактика соқчилари" фильмини кўрган бўлса, "Юлдузли Лорд" қаҳрамонида айнан Sony Walkman плеери бор эди.
Ўйин саноати.
Жаҳонда донг таратгандан сўнг Sony турли хил техника маҳсулотларини ишлаб чиқарди: телевизорлар, магнитофон, радио, қулоқчинлар ва бошқалар. 1994 йили ўйинлар индустриясида бурилиш ясаган ҳол юз берди, бу ҳанузгача Sony Playstation алоҳида йўналиши сифатида бўй кўрсатмоқда.
Консоль, яъни ўйин ишлаб чиқарувчилар болалар оммаси ва 2D графикасига зўр беришаётганда Sony мутлақо бошқа йўлдан борди. Катта ёшдагиларга мўлжалланган 3D даги Rezident Evil, DOOM, Metal Gear, Speder Man ўйинлари айнан Playstatonда яратилиб, жадал суръатларда сотилди. Консоль 103 млн нусхада харид қилинди ва давоми ҳам узоққа куттирмади.
2000 йилнинг мартидан ҳозирга довур Playstation 2 чиқмоқда ва у тарихда учраган энг харидоргир ўйин консолидир.Бунга сабаб Sony ўз ўйинларини яратиб, ўйинчиларда қизиқишни кучайтирганидир. Улар орасида God of War, Twisted Metal ва бошқа кўплаб ўйинлар бор. Бугунда Playstation5 ҳам чиққан. Sony ўйинларига талаб ошганича қолмоқда.
Киноиндустрия.
1991 йили Sony яна бир йўналиш бўйича-киноиндустрияда ҳам фаолият турини бошлаб, Sony Picture компаниясини ташкил этди. У Metro Goldwyn Mayer, Columbia Picture компаниялари акцияларининг назорат пакетини ва ... Ўргимчак одамни сотиб олди. 1999 йили Marvel йирик молиявий муаммога дуч келди, шунда Sony уларга Ўргимчак Одам қаҳрамонига муаллифлик ҳуқуқи учун 20 млн таклиф этди. Ўшанда мазкур суперқаҳрамон шуҳрат чўққисига чиққанди. Marvel ўз навбатида уларга Ўргимчак Одам, Қора бева ва Темир одам қаҳрамонларини ҳам таклиф этиб эвазига жами 40 млн сўради, бироқ Sony қолганидан воз кечиб фақат Ўргимчак Одамга ҳуқуқни харид қилди.
Якунда.
Sony кичкина таъмирлаш устахонасидан бутун дунёни ўзгартирган нуфузли компанияга айланди. Телевизорлар, ўйин консоллари, смартфонлар, фото ва видеокамералардан замонавий оламда юксак талабларда фойдаланилмоқда. Sony Picture фильмлари кинопрокатда миллиардлаб доллар сармояни йиғмоқда, Playstation махсус ўйинлари эса кўп миллионлаб тиражда сотилмоқда.
