Oct 26, 2023
Бир киши Суқротдан сўрабди:
-Дўстинг сен ҳақингда менга нима деганини биласанми?
-Шошма,-дея уни тўхтатди Суқрот.-аввалига демоқчи бўлган сўзларингни учта элакдан ўтказиб ол.
-Уч элакданми?
-Ниманидир гапиришдан аввал уни уч бора элаш керак. Бошида ҳақиқат элагидан. Унинг гапи чинлигига имонинг комилми?
-Йўқ, бу гапни эшитдим, холос.
-Демак, сен бу сўзлар рост ёки ёлғонлигини билмайсан. Унда уни иккинчи элакдан элаймиз- эзгулик элагидан. Сен менинг дўстим ҳақида бирор яхши гап айта оласанми?
-Йўқ, аксинча.
-Демак, сен у ҳақда қандайдир ёмон гапларни айтмоқчисан, бунинг ростлигига ўзинг ҳам ишонмайсан. Учинчи элакдан ўтказишга уринамиз- фойда элагидан. Хўш, сен гапирмоқчи бўлганингни менга зарурати борми?
-Йўқ, бунга зинҳор зарурат йўқ.
-Демак,-хулоса қилди Суқрот,- демоқчи бўлган гапларингда на ҳақиқат, на эзгулик, на фойда бор. Унда уни айтишдан не маъно?
