Тезлик-бу танаффусларсиз оҳисталик. Япон тафаккури

1.Аҳмоқ ва тентакларга йўлни бўшат.
2.Аёл ҳоҳласа- қояни ҳам ёриб ўтажак.
3.Кетаётганни ушлаб қолма, келганни эса ҳайдама.
4.Тез- бу секин, фақат танаффусларсиз.
5.Ёмон одамнинг дўсти бўлгандан кўра яхши одамга душман тутинган маъқул.
6.Оддий одамларсиз буюклар бўлмайди.
7.Кимки юксакликка кўтарилишни жуда истаса зинапояни ҳам ўйлаб топади.
8.Эр ва аёл гўё қўл ва кўз янглиғ: агарда қўл оғриса-кўз йиғлайди, кўзлар ёш тўкканда эса қўллар уни артади.
9.Қуёш ҳақларни билмайди. Ноҳақларни ҳам танимайди. Қуёш кимнидир иситиб қўйиш мақсадида нур сочмайди. Ўзлигини топган бамисоли қуёшга қиёсдир
11.Денгиз улканлиги боиси шундаки, у кичик дарё бўлиб кўпик сачратмайди.
12.Ва энг узоқ йўл ҳам яқинидан бошланади.
13.Кимки ичса, майнинг зараридан огоҳ эмас, ичмаса унинг фойдасидан хабарсиз.
14.Агарда шамшир бир мартага бўлса-да асқотган экан, уни умр бўйи кўтариб юришга тўғри келади.
15.Ишқ-муҳаббат бўлса, сувчечакдан қолган чандиқлар ҳам юздаги кулгичдек гўзал туюлади.
16.Бутоқни чизаётганингда шамол нафасини тингла.
17.Бировдан гумонланишдан аввал етти бор текшир.
18.Қўлингдан келган барини қил, қолганини тақдир ҳукмига топшир.
19.Ўтакетган тўғрисўзлик аҳмоқлик билан чегарадошдир.
20.Кулги жаранглаётган хонадонга бахт кулади.
21.Ғалаба рақибидан кўра ярим соат ортиқча сабр-тоқат қилганга келади.
22.Шундай ҳол юз бериши мумкинки, япроқ чўкади, тош сузади.
23.Табассумли юз ўқни ўтказмайди.
24.Совуқ чой ва совуқ гуручга чидаш мумкин, бироқ совуқ нигоҳ ва совуқ сўзга бардош бериш иложсиз.
25.Ўн ёшда-мўъжиза, йигирма ёшда даҳо, ўттиз ёшдан кейин эса оддий одам.
26.Ўйлагач қарорга кел, қарорга келгач-ўйлама.
27.Сўраб ўтиниш бир дақиқалик уят, сўрай олмаслик эса бутун умрлик уятдир.
28.Чуқур дарёлар шовқин чиқармай оқади.
29.Бироз букилишдан қўрқма, тўғрироқ ростланиб оласан
30.Агар йўлга ўз ҳоҳишингга кўра отлансанг, минг ри ҳам бир ри каби туюлади.