Aug 21, 2021
Бир киши умр бўйи шодон ва бахтли юрарди. У доим ҳаммага жилмайиб боқарди, ҳеч ким уни ҳеч қачон қайғули ҳолатда кўрмасди. Кимлардир унга бу ҳақда қизиқувчан саволларни ҳам берган.
-Нега сиз ҳеч хафа бўлмайсиз? Севинишни қандай уддалайсиз? Бахтиёрлигингиз сири нимада?
Бунга жавобан одатда у шундай дерди:
-Қачонлардир мен ҳам сиз каби андуҳга чўмганман. Тўсатдан миямга бир фикр ялт этиб урилди. Ахир бу менинг танловим, менинг ҳаётим! Ахир ҳар кун, ҳар соат, ҳар дақиқа бу танловни ўзим қиламан. Шундан буён ҳар тонг уйғонганимда ўзимдан сўрайман:
-Хўш, бугунга нимани танлайман: ғамними ёки қувончни? Ва ҳар доим танловимда қувонч бўлади.
