Free HTML5 by FreeHTMl5.co Feb 04, 2022

Шер билан олишув

Шер тўйимли тушликдан сўнг дарахт соясида дам олиб ётарди. Айни пешин. Жазирама. Шерга Шоқол яқинлашди. Ҳордиқ чиқараётган Шерга қараб, бироз ҳуркиб деди:
-Шер! Кел уришамиз!
Лекин жавоб ўрнига сукут эди.
Шоқол овозини яна ҳам кўтариб сўради:
-Шер! Кел, ёқалашамиз. Мана бу далада кураш тушамиз. Сен менга қарши!
Шер пинак бузмай, унга эътибор ҳам бермади.
Шунда Шоқол ўдағайлашга тушди:
-Кел, уришайлик! Бўлмаса, ҳаммага бориб сен Шер мендан жуда қўрққанингни айтиб бераман.
Шер эснади, эринибгина қимирлаб, ғўлдиради:
-Сенга ким ҳам ишонарди. Гапини қара! Мени қўрқоқликда айблашса ҳам мендан нафратланишларидан кўра шу маъқул. Қандайдир Шоқол билан ёқалашганим учун ижирғанганларидан кўра...

Saxifadagi eng mashxurlari
Eng mashxurlari