Уильям Шекспир. Ақлсизликнинг мантиғи бор

Камгаплик зинҳор юраксизлик аломати эмас. Ич ичидан бўм бўшигина гулдирик чиқаради.


Асал шу қадар ширинки, охир-оқибатда у аччиқ. Таъмнинг ортиқчаси таъмни бузади.


Жиддий нимарсага бош қотирганимизда икир-чикирлар хунобимизни оширади.


Бўронда ичилган қасам сокин об-ҳавода унутилади.


Она-табиат доно, ўғил аҳмоқ чиқиб қолди-да.


Қаерда кам сўз бўлса, у тош босади.


Муҳаббат уни қувганлардан қочади, нари қочганларнинг эса бўйнига ташланади.


Донолик ва аҳмоқлик худди юқумли касалликдек енгилгина этакка тирмашади. Шунинг учун дўстингни танлаб ол.


Бахтни ушлаш учун чопишни билиш лозим.


Аксарият кишилар доноликдан кўра аҳмоқликни маъқул топишади. Зотан аҳмоқлик кулдирса, донолик ғам торттиради.


Лаззатланишга умид қилиш деярли лаззатнинг ўзи каби ҳузурлидир.


Ғанимларингиз учун ўчоғни ҳаддан ошиқ ёқманг, акс ҳолда у билан қўшилиб ўзингиз ҳам ёнасиз.


Ўткир сўзнинг ютуғи уни айтаётгандан кўра тингловчининг қулоғига боғлиқ.


Исм нима дегани? Атиргулни атиргул деб атайсанми ё йўқми- ундан фақат гулнинг иси келади.


Ҳар ақлсизликнинг ўз мантиғи бор.


Бир қарашда севгини ўлдириш мумкин, бир нигоҳда эса уни тирилтиришнинг иложи бор.


Қўрқоқ унга дахл этаётган ҳар бир хатарда ўлади, жасурга эса ўлим фақат бир марта хавф солади.


Бечора мажақланган ҳашарот ўлим ёқасидаги баҳайбат жонзотдек азоб чекади.


Муваффақият қозонишнинг учта йўл-йўриғи : бошқалардан кўра кўпроқ билимли бўлиш; қолганлардан кўра кўпроқ ишлаш; ўзгалардан кўра камроқ кутиш.


Бу дунёда яхши ёки ёмон нарса йўқ. Фақат нимагадир нисбатан муносабатимиз мавжуд.


Энг яхшиси- бу тўғри ва оддий айтилган сўздир.


Бошқаларнинг гуноҳини жон-жаҳдингиз билан ҳукм этишга шошманг- ўзингизникидан бошланг, шунда бошқа- бировларникига улгуриб етмайсиз.