Сальвадор Дали. Камтарона даҳолик

Сальвадор Дали-испан рассоми ва ҳайкалтароши, сюрреализм оқимининг беқиёс вакилларидан бири. У машҳур тасвирий санъат намуналари ( " Хотира доимийлиги", " Туш", " Ёнаётган жираф"ва бошқалар) дан ташқари, ғалағовурли иборалари билан ҳам кенг таниқли.
Қўйида рассомнинг қатор мушоҳадаларини келтиряпмиз, бу унинг ҳаёти ва ижоди нақадар қизиқарли кечганини намоён этади.






Ҳис-эҳтироссиз ақл-заковат қанотсиз қуш кабидир.


Портретларни объектга ўхшатиб чизмайман- вақт ўтгач одамларнинг ўзи ўзларига ўхшаб боришади.


Ёлғондакам ва чинакам хотиралар ўртасидаги тафовут худли заргарлик тақинчоқларига уйқаш. Қалбакилари ҳаётийликка яқин ва гўзалроқ бўлади.


Барчаси кўринишимни ўзгартирди, бироқ ҳеч нима мени ўзгартира олмади.


Мен билан жиннининг ўртасидаги фарқ битта: жинни ақлим жойида деб ўйлайди, мен эса эсим ўзимда эмаслигини биламан.


Урушлар ўлиб кетганлардан бошқаларга зиён етказмаган.


Илҳомим маҳфийлиги шундан иборатки, чунки у ҳар доим махфий бўлиб қолади.


Расм- санъатнинг ростгўйлигидир. Алдов имкониятидан холи: ёки у "яхши" ёки у " ёмон"дир.


Менга ишлаш учун кунига икки соат тақдим этинг, қолган йигирма иккисини ўй ва орзулар гирдобида ўтказаман.


Сиз тизимли равишда тартибсизликни яратишингиз лозим- у ижодни халос этади. Қарама қаршилик хислатини ортқилаган барчаси ҳаётни яратади.



Хатолар ҳар доим илоҳий табиатга эга. Ҳеч қачон уларни тузатишга уринманг. Аксинча, уларни тушунишга, чуқурроқ англашга, унга тоқат қилишга урининг. Ўшанда халослик бошланади.



Мукаммалликдан қўрқманг. Барибир унга етиша олмайсиз.



Яшамоқлик- биринчи навбатда иштирок этмоқликдир.



Мен доим бошқалар кўрмаганни кўрганман, бошқалар кўрганни эса кўрмаганман.



Тузуклик мени боши берк кўчага киргизади.


Нимаики ваъда берсам, қачондир уни бажараман.
Нимаики истасам, эртами кечми у ушалади.


Барча даҳолар ўлиб битса, танҳоликда мағрур қоламан.


Мен кетяпман, ортимдан жанжаллар оломони югурмоқда.


Бутун дунё мўйловимга маҳлиё қараганда , унинг ортидан яшириниб, ўз ишимни бажараман.


Мен қабул қилиб бўлмас даражада ҳаётни севаман.


Қолган рассомларнинг ҳасади ҳар доим ютуқларимга ўлчагич бўлиб хизмат қилади.


Каллаварамликнинг чек-чегараси олмани қандай бўлса шундай чизишда. Муҳаббатда топталган чувалчангни чиз ёки рақсда тиғли оёқчалари билан тебранаётган қисқичбақани, олмани эса филлар топташига қўйиб бер, ва ўшанда ўзинг кўрасан, бу жойда олманинг ортиқчалигини.



Рассом бу илҳомга тўлиб тошган одам эмас. Рассом бошқаларни илҳомлантира оладиган шахсдир.