Nov 10, 2022
Жудаям кекса ва доно бир киши дўстига деди:
-Биз ўтирган хонани яхшилаб қараб чиқ ва малларанг буюмларни эсда сақлаб қолишга урингин.
Хонанинг ичида малла рангдаги нарсалар кўп эди ва дўст бу ишни тезда амаллади. Бироқ дона одам унга кейинги савол билан мурожаат этди:
-Энди эса кўзингни чирт юмгин ва кўк рангдаги буюмларни санаб бер.
Дўст ажабланиб, ўзини йўқотди.
-Ҳеч қандай кўк нарсани ёдда сақлай олмадим, ахир малларанг буюмларни қайд этишга урингандим.
Бунга жавобан донишманд деди:
-Кўзингни оч ва бир қара, ахир хонада жудаям кўп кўк рангдаги буюмлар бор.
Бу ростданам шундай эди.
Шунда қария давом этди:
-Агарда сен хонадан малла буюмларни, ҳаётда эса ёмонини изласанг, унда сен фақат шуларни кўрасан, фақат уларни фаҳм этасан, ва фақат уларгина ёдингда сақланиб, умрингда шулар иштирок этади.
Тушунча: эслаб қол, агар ёмон нарсани ахтарсанг, албатта, уни топасан ва ҳеч қандай яхши нарсага зинҳор кўзинг тушмайди.
