Пауло Коэльо. Чиройли ҳақиқатлар

Машҳур ёзувчи Пауло Коэльонинг ижодига оз эмас, кўп эмас, 18 та китоб мансуб: романлар, антологиялар, қисқа ривоят-ҳикоялар тўплами. Уларнинг адади эса 350 миллион нусхадан ортади. Уни бутун дунёда мутолаа қилишади ва севишади.
Пауло Коэльо бошқа бирор ҳеч кимдек ҳаётнинг турли бурчидан нигоҳ солади, майда нарсалардан ҳам буюклик қидиради, умрга хушбин боқиб, севиш учун ўзида куч топа билади.
Диққатингиз ҳукмига адибнинг севги ва ҳаёт ҳақидаги фикрларини ҳавола этамиз. Умид қиламизки, улар ўзингиз учун энг муҳимларини тушуниб етишга кўмаклашади.



Баъзида хазинани ўз уйинг атрофидан қазиб олишни тушуниб етиш учун бутун оламни кезиб чиқишга тўғри келади.

Агар гўзалликни кўришга қобилиятинг бўлса, айнан шу гўзалликни шуурингда ташийсан. Зотан дунё бамисоли кўзгудир, унда ҳар ким ўз аксини томоша қилади.

Нимадир бир марта рўй берган бўлса, у иккинчи бор ҳеч қачон такрорланмайди. Бироқ икки марта содир бўлгани, учинчи марта ҳам рўй беради.

Қачонки ниманидир кучли ҳоҳласанг, бутун Еру Олам тилагинг ушалишига таъсир кўрсатади.

Агар одамлар мендан кутган бор қилмишларни қилсам, уларга қулликка тушиб қоламан.

Ҳаёт ҳаракатга келиш учун ҳар доим қулай лаҳзасини кутади.

Адашиб қолмоқ- қизиқроқ бирон нимани топиб олишнинг энг афзал усулидир.

Агар кимдир сеники бўлса, у сеники, мабодо уни қаергадир тортқиласа, ҳеч нима ушлаб қололмайди. Ва у асаб бузилиши ва эътиборга арзирли эмас.

Энг қоронғи соат-тонг олдидандир.

Ҳар ким орқадан истаганини гапиради, кўзга қараб эса фойдалисини.

Ёруғ дунёдаги жамики нарса-бир нарсанинг ҳар хил намоён бўлганидир.

Агар ишқ-муҳаббат кишини тез ўзгартирса, азоб-уқубат яна ҳам тезроқ ўзгартиради.

Бизни муштоқ кутилаётган жойга ҳар доим ўз муддатида етиб келамиз.

Ҳаёт баъзида ҳайратланарли тарзда зиқна. Кунлар, ҳафталар, ойлар, йиллар ўтса-да, одам бирор таассурот ҳис этмайди. Ва эшикни очганида- устига кўчки ёпирилади.

Фаришталаримиз ҳар доим биз билан бирга,. Бизга ниманидир айтиш учун улар кўпинча кимнингдир лабларидан фойдаланишади.

Ўзни мудом бебахт ҳис этиш-ҳаддидан оширилган олифтагарчиликдир.

Дунёда ҳаёт бўйлаб ёлғиз одимлаб боришга туғилган одамлар бор, бу яхши ҳам, ёмон ҳам эмас: бу ҳаётдир.

Орзудан ҳеч қачон воз кечмаслик керак! Емак худди танамизни тўйдиргани каби орзу қалбимизни тўйинтиради. Умримизда қанча кўп ҳалокатга учраб, орзуларимиз синиб кетганини кўрмайлик, орзу қилишда давом этаверишимиз керак.

Баъзида ортингдан ким чопаётганини кўрмоқлик учун югуришинг лозим. Баъзида сени ким тинглаётганини кўриш учун майин сўзлаш керак. Баъзида сен тарафда ким борлигини билиш учун изингга қайтиб, қадам ташламоғинг лозим. Баъзида барчаси вайрон бўлаётганини томоша қилиш учун нотўғри қарорлар чиқаришинг керак.

Ҳаммасига жавоблар топганим ҳамон саволларнинг бари ўзгарди.

Умримиздаги энг муҳим гапларни жим қотиб сўзлаймиз.

Яшашни бошламоқ учун баъзида ўлиш лозим.


Одамлар барчасини ўзгартиришни истайдилар ва бир вақтнинг ўзида ҳаммаси ўз ҳолича қолишини ҳоҳлайдилар.


Ниманики излаётган бўлсанг, у ҳам сени изламоқда.


Доимо нимани ҳис этсанг, шуни сўзла, нимани ўйласанг шуни қил! Сукут тақдирни синдиради...

Инсон ҳаммасига аксинча йўл тутади. Улғайишга шошилиб, ўтган болалигидан ўксинади. Соғлик учун пул сарфлайди, кейин эса бетобликка пул ишлатади. Келажак ҳақида шу қадар шошқалоқ ўйлайдики, ҳозирги дамнинг қадрига етмайди, шу туфайли унда на келажак, на ҳозир бўлади. Гўёки ҳеч қачон ўлмайдигандек яшайди ва ҳеч қачон яшамагандек ўлади.

Одамлар охиригача бориб, уларни бошида азоблаган қўрқувнинг устидан кулишади.

Баъзида икки инсонни бир биридан айирадиган ҳол содир бўлади- бу иккаласига ҳам бир бирларига не қадар муҳим эканликларини кўрсатиш учундир.

Барчаси ҳар доим хайрли тугайди. Мабодо ҳаммаси ёмон тугаган экан, демак бу ҳали охири эмас.