Nov 05, 2021
"Бачканалик-эрмакка йўналтирилган барчасидир, шунинг учун у ҳаётий қудратдан холи. Қувонч, кулги-бу жуда яхши, эрмак эса- ёмондир. Исталган санъатда покланиш унсури бўлмоғи керак. Билмадим, буни қандай тушунтирсам... Биласизми, одам дунёни болаларга ўхшатиб пок санайди, бунда у ҳатто" Худо" сўзини ҳам танимаслиги мумкин, бундай шахс ҳеч нимани масхараламайди, ҳатто алоҳида кулиб ҳам юрмайди, ҳайратдан кўра кулги унинг учун иккиламчидир.
Бачкана санъат йигирма сўм ундириш учун ҳоҳлаган нарсани олиб, унинг устидан мағзава ағдармоқликдир. Бугундаги қизиқчиларда худди шундай муносабат мавжуд: мен уларнинг ижодидан батафсил танишман деб айта олмайман, аммо аҳён-аҳёнда қулоғимга чалингани-даҳшатдир-чунки бу кимсалар қорин тўйғазиш учун нимаики бўлса, шунинг устидан кулмоқдалар. Менинг учун ҳайратга, қайта туғилишга, покланишга етакловчи чинакам, бачкана бўлмаган санъат шуурингдаги хира ойнани тозалаганидир"- Борис Гребеншиков.
"Ўз муаммолари учун бировларни айблайдиган одам ҳеч қачон ўз тақдирининг эгаси бўлмайди. Омадсизликлари учун нуқул ўзини айблайдиган шахс беҳудага қийналади-чунки дунёда назоратимизга бўйсунмайдиган кўплаб нарсалар бор. Ким айбдорлиги борасида ҳукм чиқаришдан кўра, муаммони ҳал этиш йўлларини қидир, омадсизликлардан фойдали тушунча ол, йўл қўйган хатоларни такрорлама. Аҳмоқ ўзгаларни, ақлли ўзини айблайди, доно эса айбни ҳеч кимга ағдармайди."-Артуро Перес Реверте.
"Тўрга тушган балиқдек чалғиб, адашганингда асосийси қалтис ҳаракат қилмаслик лозим. Бир зум жим қот- нимадир рўй беради. Албатта рўй беришни бошлайди. Соҳилнинг нимқоронғи бўйига кўз ташла- ва у ерда нимадир қимирлашини кут. Ўз тажрибамдан биламан. Албатта нимадир қимирлашни бошлайди. Агар бу сенга керак бўлса- албатта, қимирлайди."-Харуки Мураками.
" Одамлар либосларини шунчаки алмаштиришди. Улар Римда устларига ридолар илишди. Кейин камзул. Кейин фрак. Сўнг эса жинси. Лекин ўзлари ўзгармас бўлиб қолишди. Уларни ўша ҳис-эҳтирос, ўша иллатлар идора қиларди. Шуҳраҳпарастлик, нафс ва очкўзлик дунёни бошқарган ва бундан кейин ҳам бошқаради. Ҳозир технологиялардан иборат баҳайбат минора тикланган, унинг ёнида эса инсон маънавиятидан ачинарли адирча ястанган. Ва унда келажакка оид фожеаларнинг ваъдаси зоҳир. Бизни янги инқилоблар кутмоқда. Бироқ унинг оқибати доим бир хил: халқлар бироз вақт ўтгач қизишиб кетганларини англашади. Бу ўз қиролини қатл этган Англияда ҳам, Францияда ҳам шундай бўлган. Халқлар бамисоли шамолдир, бугун бундай, эртаси эса мутлақо бошқача. Халққа таянишда эҳтиётли бўлинг"-Эдвард Радзинский.
"Қачонлардир мени ажойиб бир ибора ларзага туширганди." Зулмат билан олишма, шамни кўтар. "Биз ҳар доим вақтимизни зулмат билан олишишга сарфлаймиз. Қанчалар курашсак, у қоронғиликка чулғанаверади. Ёруғликни кўтариш қийин. Лекин ёдда тутмоқ лозим: биргина шам хонадан зулматни қувиб сола олади."-Андрей Кончаловский.
"Одамларнинг ўзларини оқлашига ҳожат йўқ-улар нимани зарур ҳисоблашса, шундай йўл тутишади. Кишилардан биринчи қадамни ташлашини, сўнгги хабарларни кутиш керак эмас... Ҳар ҳолда ўз иродангизни ўзгалар қўлига топшириш аҳмоқликдир. Кимсадан унинг эътиборини, муҳаббатини, раҳм-шафқатини сўраманг. Қадр-қимматингизни туйғуларингизга бефарқ шахслар қараши остида топтаманг. Ўз-ўзингизни тинглашни ўрганинг: истадингизми қўнғироқ қилинг, -ёзинг, боринг, кетинг... Сизнинг ҳаётингиз ўз қарорларингиздан иборат жумбоқдир, нима ҳоҳлашингизни ўзингиздан бўлак бошқа ҳеч ким тушунмайди."- Жим Керри.
"Ақлли киши ҳар қандай қайғу-аламдан қочишга, хотиржамлик ва ҳаловатга интилади, Унга ҳеч ким озор етказмайдиган сокин, камтарона турмуш тарзини қидиради, шунинг учун одам деб аталувчи тоифа билан танишув чоғида у назарини хонанишин ҳаёт зайлида қолдиради, жудаям улкан заковатда эса-ёлғизликда."-Артур Шопенгауэр.
"Аҳмоқлар мамлакатида ақлли киши қирол бўлмайди."-Олдос Хаксли.
Мен одамларни уч тоифага ажратаман:
Нажас-оқим бўйлаб сузади ва йўлида сасийди, Омадсизликларига ҳамма нарсани айблайди, шу билан бирга ҳеч нимани ўзгартиришга интилмайди.
Ғўла ёғоч-оқим бўйлаб секин сузиб боради ва уни барчаси қаноатлантиради, уларда оқимга қарши сузишга ва жиллақурса нажасдек сасишга матонат етишмайди.
Ақлли одам- у ўз қайиғи-катерида сузади ҳоҳласа уни буради ёки жойида тўхтайди, нажас ва ғўлалардан ёнлаб ёки ўзиб, уларнинг ҳеч нимага арзимаслиги ва бадбўй ҳидини сезмасдан ўзи нима истаса шуни қилади. "Жейсон Стетхэм.
" Ахборот урушида энг аламлиси шуки, унда доим ҳақиқатни сўзлаган ютқазади. Чунки у ҳақиқат билан чегараланган, ёлғончи эса истаганини вайсаши мумкин."-Роберт Шекли.
