Mar 22, 2023
Кунларнинг бирида гулчи сартарошнинг ҳузурига сочини олдиргани келди. Хизмат ҳақини тўламоқчи бўлганида, сартарош деди: "Узр, пулингизни ололмайман, бу ҳафта савоб учун ишламоқчиман." Гулчи миннатдор бўлди ва кетди. Эртаси куни эрталаб сартарош ишхонасини очгани келганида, эшик тагида миннатдорлик хати ва ўн иккита атиргулни кўрди.
Сўнгра эса новвой келди, аммо у ҳам ҳақини тўлашга уринганда, сартарош деди: "Мен пулларни ололмайман, бу ҳафтада савобга ишлаяпман." Новвой мамнун ҳолда кетди. Эртаси куни тонгда сартарош эшик ёнида миннатдорлик мактуби билан ўн иккита ширин кулча қолдирилганини пайқади. Эндиги гал сенатор сочини текислатгани келди, пулини беришга тараддудланаётганида, сартарош яна деди: "Мен пулни ололмайман. Бу ҳафта сочларни савоб учун текислайман."
Сенатор шодланди ва кетди.
Эртаси куни сартарош ишга келганида эшик ёнида ўн иккита сенатор, ўнта депутат, ҳоким ва яна шунча вазир, ҳокимнинг хотини ва олти боласи- текинга соч олдиргани турганини кўрди.
Худди шу ҳолнинг ўзида оддий одамлар ва бизни бошқарадиган "ҳалол" кишилар гуруҳи аъзолари ўртасидаги тафовут намоёндир...
