Nov 02, 2022
Жудаям қадим замонларда бир қирол хизматкорларига катта йўлнинг ўртасига улкан тошни, олиб келиб жойлаштиришга фармойиш берибти, бу тошмисан- жудаям улкан тош бўлиб, оғирлиги ярим тоннача келишидан ташқари, ҳар томони сип-силлиқ эди. Хизматкорлар бунақайин беҳуда машмаша қиролга нега зарурлигидан ҳангу манг эдилар. Бироқ қирол нима қилаётганини яхши биларди.
Хизматкорлар минг машаққат билан тошни думалатиб, кўчага олиб келишаётганда, қирол узоқлашмай, бир четга яширинди. Уни бир савол қизиқтирарди- кимдир кўча ўртасидан тошни олиб ташлармикан? Йўл қўшни шаҳарларни бир бирига туташтирарди, ундан илгарилаб, денгизга тушиб қолиш мумкин эди. Шунинг учун савдогарлар, саёҳатчилар, кўплаб йўловчиларни шу йўлда учратиш мумкин эди.
Бир четда бекинган қирол нималарни кўрди?
Ўтаётган ҳар ким баланд овоз чиқариб, қирол қўл остидагиларни йўлларни назорат қилиб, тартибга келтиришга мажбурлай олмаслигидан таажжуб изҳор этарди. Агар бир бирига таниш савдогарлар учраб қолса, улар аюҳаннос солишиб, дунёдаги жамики ҳақоратлар билан қиролни сўкишарди. Бироқ уларнинг бирортаси калласига ўзи ёки бошқалар билан биргаликда ярамас тошни бир чеккага суриб қўйиш фикри келмасди.
Ниҳоят йўлда ўзининг полизида етиштирган сабзавотларни ғилдиракли аравасида юклаган камбағал деҳқон пайдо бўлди. У тошни кўриб тўхтади, уни бирров томоша қилиб, арава ёрдамида бир четга сурмоқчи бўлди. Бироқ тош ниҳоятда оғир эди, унинг кучи беҳудага сарфланаётганди. У кўмакка чақирди, аммо ўтаётган йўловчилардан бирортаси уни қўллаб қувватлашни ҳоҳламасди. Бундай уринишни кузатаётган қирол- деҳқон қўл силтаб, йўлида давом этаверади деб ўйлади.
Бироқ деҳқон енгилишни истамасди, чунки тош нафақат унга, бошқаларга ҳам халал бераётганди. У ҳўкизларни бўшатди, харсангнинг остига тахта қўйди, арқон билан турли томонни боғичлади, минг машаққат билан уриниб тошни ахийри йўл четидаги ариққа судраб келди. Тошнинг остида эса тилла тўла ҳамённи кўриб у лол қолди, ундаги қоғозчада бу пуллар қийинчиликдан ўзини ва бошқаларни қутқарган одамга аталган мукофот экани битилганди.
Тушунча: Йўлимизда учрайдиган тўсиқ ва синовлар тасодифий эмас. Агарда улардан бирига дуч келган бўлсангиз, қўл силташ керакмас. Барча кучингизни ишга солиб, уни енгиб ўтинг. Мукофотига янги кўникмалар, билим, тажрибага эришиб, мураккаб масалаларни ечишни ўрганасиз, бу эса муваффақиятларингиз асосидир.
