Dec 10, 2021
Марк Твен турли жанрларда ижод қилган ва ундан 25 том асарлар мажмуаси мерос қолган. Эрнест Хемингуэй иборасига кўра, Америка адабиёти биргина асар-"Гекльберри Финнинг саргузаштлар"идан пайдо бўлган. Шу билан бир қаторда Твеннинг ўзи адабий маҳоратига ҳазиломуз ёндашган. У бошқа нарсаларга ҳам деярли шундай муносабатда бўлган.
"Ҳаёт ҳақиқатларидан униб ўсадиган юморгина яшаб қолишга қодир"- деганди Твен. Унинг афоризмлари ҳам бунинг ёрқин исботи. Улар ақлан ўткир ва бугун учун ҳам долзарбдир. Бунга қўйида ўзингиз амин бўласиз деган умиддамиз.
1.Ёз- қишда шуғулланишга совуқ тўсқинлик қилган ишларни бажаришга жудаям иссиқ йил фаслидир.
2.Соғликни сақлашнинг ягона усули- ҳоҳламаганингни ейиш, севмаганингни ичиш, ёқмаган юмушни қилишдир.
3.. Яхши дўстлар, яхши китоблар ва тинч ётган виждон- мана шу ажойиб ҳаёт демакдир.
4.Ўзини ўзи қоқиб қўйиш - бошқа бировни силкитиб кўриш деганидир.
5.Яхши ўрнакдек ижирғинтирадиган нарса йўқ.
6.Сайловлар бирон нимани ҳал қилганда унда қатнашишимизга йўл қўйишмаган бўлишарди.
7.Инсоннинг умри нима? Учдан бири ажойиб вақт, қолгани эса у ҳақда хотирламоқликдир.
8.Ҳеч кимдан ўзингизга намуна ясаманг, чунки сиз унинг учун кўплардан бирисиз.
9.Гапириб ўзингга нисбатан шубҳаларни ёйгандан кўра, жим ўтириб, тентак туюлган маъқул.
10.Яхши китобларни ўқимайдиган одамнинг мутлақо ҳарф танимайдиган кишидан ҳеч ҳам фарқи йўқ.
11.Қаёққа йўл олганини билмаган одам бошқа жойга тушиб қолганидан ҳайратда қолади.
12. Ҳеч қачон телбалар билан тортишманг. Улар даражасига тушасиз ва ўз тажрибаси билан улар сизни топтаб ташлашади.
13. Мен ўттиз йил ичида ҳеч ўзгармаган эркакларни кўрганман, бироқ уларнинг хотинлари кампирларга айланиб улгуришган. Уларнинг бари оқкўнгил аёллар эди- яхши бўлиш эса инсонни эскиртиради.
14.Бизга ўйлаганини шартта сўзлайдиган кишилар ёқади, фақат бир шарти билан- улар ҳам биз каби ўйлашлари керак.
15.Индинга кечиктиришинг мумкин бўлган ишни эртага қўйма.
16.Биринчи бўлиб туғилган кунни нишонлаган одам билан нима қилиш мумкин? Уни ўлдириш ҳам кам.
17.Ҳақиқатни худди пальтони тутқазгандек узатмоқ керак, ҳўл сочиқни юзга итқитгандек эмас.
18. Ҳақиқат бизда борининг энг қимматлисидир. Келинг, уни тежайлик.
19..Шундай яшайликки, ҳатто тобутсоз ҳам ўлганимизда афсус чексин.
20. Агар сенга пул зарур бўлса-бегоналарга бор, агар маслаҳат лозим бўлса-дўстларинг ҳузурига отлан, агар ҳеч нима керак бўлмаса-қариндошларинг ёнига жўна.
21.Ҳаётда бир марта ҳар бир кишининг эшигини омад тақиллатади, лекин бу одам кўпинча яқиндаги пивохонада ўтириб, бу овозни эшитмайди.
22..Одам зотини яратиш беназир ва ноёб ўй-фикр эди. Бироқ ундан кейин қўйни яратиш қайтариқ бўлиб чиқди.
23. Дунё сизга нимадир бериши лозимлиги борасидаги хаёлда чалғиманг, зотан у сиздан ҳам аввал мавжуд эди ва у сизга бирон нима ҳадя қилишга бурчли эмас
24.Шовқин ҳеч нимани исботламайди. Тухум туққан товуқ ҳам мудом гўё бутун бошли сайёрани туғиб қўйгандек шовқин чиқаради.
25.Бирон нарсани қилмасликка сўз берганинг ҳамоноқ шу ишни қилгинг келади.
26..Пессимизм- асаби бўшлар донолик деб атайдиган оддий сўздир.
27.Парвардигор яратган жонзотлардан фақат бирини куч билан бўйсундириб бўлмайди- мушукни. Инсонни мушук билан урчитиш имкони туғилганда, бу одам наслини яхшилаб, мушукникига зарар етказарди.
28. Бегим кунлари маънавиятимизни кўнгилдагидек ишлатмаймиз. Якшанба кунида у доим таъмирталабдир.
29. Инсон муҳаббат қозониш учун кўп нарсаларга тайёр, лекин у ҳасад уйғотиш учун кўп нарсаларга қўл уради.
30. Ҳеч ким сенга боқмаётгандек рақсга туш. Ҳеч ким сени тингламаётгандек куйла. Сенга ҳеч қачон хиёнат қилмаганларидек сев ва шундай яшаганки, гўё бутун Ер юзи сен учун- Жаннатдир!
