Jan 24, 2023
Қандай бу ғалати одамлар! Ўзларига берилган маълум соҳадаги озодликдан ҳеч қачон фойдаланмасдан, нимаики бўлмасин, унинг бошқа бўғинидагини талаб қилишади: уларга фикрлаш эркинлиги тақдим этилган, аммо, йўқ, уларга сўз эркинлиги даркор!
Ҳақиқат индивид уни қай даражада ишлаб чиқарган миқдорда мавжуддир.
Ҳаётнинг иши буюк кишиларга натижаларга қараб ҳукм чиқаришдан иборат. Натижа шундай нарсаки, у энг охирида келади. Илло, агарда буюк алломадан нимадир ўрганмоқчи эсанг, муқаддимага ҳам эътибор қаратиш лозим.
Таваккал қилмоқлик- бу безовталаниш демак, таваккал қилмаслик эса ўзни барбод этмоқликдир.
Бахтнинг эшиклари, таассуски, ичидан очилади, йўқса уни шиддат билан табақаларини ланг тебратсак бўларди, ичкаридан очилгандан қўлдан ҳеч вақо келмайди.
Олға бориш руҳий хотиржамликни йўқотишни англатади, бир жойда депсиниш эса ўзликдан кечиш билан баробар. Энг юксак маънода олға интилиш ўзни забт этишдир.
Шубҳаланиш- тафаккур қийналишидир, қийналишнинг ўзи эса шахс шубҳаси.
Бизнинг ҳаётимиз- қоидалари бизга ноаён ўйиндир.
Ҳаётнинг маънисини сўнгроқ тушуниб етасан, аммо ўшанда уни бошидан яшашга тўғри келади.
Севги нимани севади? Чексизликни---
Севги нимадан хавфсирайди? Чегаралардан---
Мен ҳеч нимани кўрмадим, чунки жудаям ўткир нигоҳ билан боқдим.
Ҳаёт орқага қаратиб тушунилиши мумкин, аммо олдинга қаратиб яшалиши керак.
Театр пардаси ортида ёнғин бошланди. Масхарабоз томошабинларни хавфдан огоҳлантириш учун саҳнага чиқди. Улар буни ҳазилга йўйиб чапак чалдилар. Қизиқчи ёлвориш билан такроран огоҳлантирди, залда гулдурос олқиш кўтарилди. Балким биз яшаётган дунё ҳам шундай якун топар: бу шунчаки ҳазил деб ўйлаётган томошабинлар қарсаги садолари остида.
Менинг энг яқин дўстим акс-садодир. Нега шундай? Чунки ўз ғам-андуҳимни севаман, у эса буни мендан тортиб олмайди. Менинг биргина ишонганим бор- тунги сукунат... Нега шунақа? Чунки у гунг-соқов...
Менда ҳеч вақо йўқ, бироқ ҳеч нимага муҳтож эмасман.
... озодлик-бу сеҳрли чироқ; инсон уни аҳлоқий эҳтирос билан силаганида унинг учун Тангри ҳозир бўлади.
Ҳеч ким ўликлар салтанатидан қайтмайди...-ҳеч ким кўз ёшисиз бу дунёга келмайди...-ҳеч ким қачон пайдо бўлишингни сўрамайди...-ҳеч ким қачон кетишингни исташингни ҳал этолмайди...
