Oct 25, 2021
Кунларнинг бирида кекса ва доно қария узун йўлкадан, табиатни кузатиб, баҳорнинг турфа рангларидан ҳузурланиб, кетиб борарди Шунда у елкасига ғайриоддий улкан юк ортқилаган кишини кўриб қолди. Юкнинг ниҳоятда оғирлигидан унинг оёқлари чалишаётгани шундоққина сезилиб турарди.
-Ўзингни нега бундай қийин мушкулот ва азобга мубтало этгансан?-сўради қария.
-Мен болаларим ва набираларим бахтли бўлиши учун азоб чекяпман,-жавоб берди бечора.-Бобокалоним бобом учун, бобом отам учун, отам мен учун ўзини азобу ситамга дучор этган, мен эса фарзандларим бахти учун қийналяпман.
-Оилангиздан бирор киши бахтли бўлганми?
-Ҳозирча ҳеч ким, лекин болаларим ва набираларим бахтиёр бўлишса керак,-орзуланиб ҳаяжон билан деди бу эркак.
-Афсуски, саводсиз мутолаага ўргата олмайди, юмронқозиқ эса бургутни учишга тарбиялаши мумкин эмас-,-дея хўрсинди кекса закий чол.- Илк навбатда ўзинг бахтли бўлишни ўрганишинг лозим, сўнграгина фарзандларингни бахтга ўргатишинг мумкин. Бу сенинг уларга энг қимматбаҳо туҳфанг бўлади.
