Ахлоқий ривоятлар

Кунларнинг бирида сичқон ферма эгаси унга қопқон қўйганлигини фаҳмлади. У бу ҳақда товуқ, қўй ва сигирга сўзлади. Аммо уларнинг ҳаммаси шундай жавоб қилишди: "Қопқон- бу сенинг муаммойинг. Бунинг бизга ҳеч қандай дахли йўқ!" Орадан бироз вақт ўтгач қопқонга илон тушди ва хўжайиннинг хотинини чақди. Уни даволашга уринишиб, товуқдан шўрва пиширишди. Кейин эса беморни кўргани келганларга қўйни сўйиб дастурхон тузашди. Ва ниҳоят дафн маросимидагиларнинг барчасини тўйдириш мақсадида сигирни сўйвора қолишди. Буларнинг барини шу вақт давомида сичқон девор тешиги орқасидан кузатиб туриб, ҳеч кимга дахли йўқ нарсалар ҳақида мушоҳада қиларди.
Тушунча: Агар бирон нима бевосита сизга алоқаси йўқ бўлса, у бир куни бошимга гурзи бўлиб тушмайди деб зинҳор ўйламанг.

2.Бургут дарахт шохининг тепасида ўтириб, ҳеч нима қилмасдан дам оларди. Кичкина товушқон бургутни кўриб, ундан сўради:-Майлими, сиз каби ҳеч нима қилмасдан ўтирсам?-Албатта, нега йўқ бўлсин,- жавоб берди униси. Товушқон дарахт тагида ўтириб, дам олишга тушди. Тўсатдан тулки пайдо бўлди, товушқонни ушлаб, паққос туширди.

Тушунча: ҳеч нима қилмасдан бир жойда ўтиравериш учун сиз жуда, жудаям баландда ўтиришингиз лозим.

3.Фермада от касал бўлиб қолди. Мол дўхтири хўрсинди:-Агар эрталабгача оёққа турмаса, уни ўлимга ухлатаман. Тонгда от ўрнидан турмади. Ёнида қўй ётарди:-Қани, тур ўрнингдан, йўқса ўласан. Ва от турди. Фермер хитоб қилди:-Бу мўъжиза! Буни нишонлаш керак. Шунга қўйни сўямиз!

Тушунча: бировнинг ишига тумшуқ тиқманг ( лекин қопқон воқеасини ҳам унута кўрманг).

4.Учта одам харсангтош орқалаганди. Уларнинг биридан сўрашди:-Нима қиляпсан? У пешонасидаги терни артди ва деди:-Чиниқяпман. Иккинчисига ҳам яқинлашиб сўрашди:-Сен-чи, нима қиляпсан? У қўлларини қоқиб, ишчан оҳангда деди:-Пул ишлаяпман. Учинчисини саволга тутишди:-Нималар қиляпсан ўзи? У кўзини юксакка қадади ва деди: -Ибодатхона қуряпман.

Тушунча: Буюк мақсадни кўзлаган кишининггина ҳаёти маъно-мазмунга тўладир.

Таксичи шаҳардаги таниқли миллионерни манзилига етказиб қўйди У эса ҳисоблагичга қараб йўл ҳақини узатди. Таксичи ажабланди:- Кеча ўғлингизни олиб борганимда у чойчақага 100 доллар берганди.-Ахир сиз нимани истаяпсиз: унинг отаси миллионер, мен эса ғирт етимман.

Тушунча: Фақат ўзи ишлаб топган одам пулнинг ҳақиқий баҳосини билади.