Вақт-нархи юксак сармоя.

Афтидан ривожланаётган давлатлар тараққиётига ҳал қилувчи омил ўзлари илгари сураётган иқтисодий асослар эмас, тизимда тадбиқ этаётган инновациялардир. Мазкур ҳолат нафақат ривожланишни жадаллаштиради.
Инновация бир жойда турғун депсинишни бартараф этади.
Саккиз соатлаб тиқилинч тирбандликда сиқилиб, кутаётган одамлар- ўз мамлакатининг қарор қабул қилиш тезлиги маромини англатади, чунки вақт ўсиш-ривожга эмас, бўлмағур жараёнларга сарфланмоқда, натижасиз инфратузилма бойликка тенг вақтни ямлаб ютмоқда.
Инсонлар вақти-бу баҳоси юксак сармоя демакдир, у эса умр ва соғликдан фарқли паст баҳоланмоқда. Агар бирор мамлакат асосий ўлчов бирлиги сифатида унумли вақтни қабул қилса, атрофдагиларидан ўзиб кетади.Гап фақат ҳаёт шиддаткорлиги ҳақида бормаяпти.
Шошмашошарлик ва аҳмоқона пойга жадал жараёнлар туфайли бўлмайди, бу ҳолат тизимда кўплаб тирбандликлар мавжудлигидан уйғонади. Шунинг учун аҳён-аҳёндаги ёруғ нурни қўлга киритишга улгуриш учун ҳам биз беидрок тезликка ошиқамиз, бунда хатоликлар содир этамиз, асабларимиз қақшашига йўл қўямиз.
Бизнинг ҳаётимиз жиннинамо эмас, бизда жиннивор тиқилинч, тирбандликлар. Биз энг муҳим нарсанинг қадрига етмаймиз, аслида қадрлашга арзигулиги бу- вақтдир. Чунки бизда ҳали соат-дақиқа, умр кўп деб ўйлашга ўрганиб қолганмиз.
Тасаввур қилинг, бир ҳафтадан кейин оламдан ўтасиз ва шунга ўзингизга иккита саволни бериб кўринг.
Олдингиздаги бор вақтни нималарга сарфлашга тайёрсизу, нимага йўқ? Ахир вақт қиймати сиз учун ўн минглаб каррага ошган.
Жаҳлингизни кўпроқ нима чиқаради ўшанда?
Жавоби аён. Асабингизни синайдигани вақтингизни бўлмағур кетказадиган ҳар қандай вазиятлардир. Ва сиз бунга сабабчи барчадан нафратлана бошлайсиз.
Бу натижани кўзлаш масаласи аслида.Мабодо секин-секин маълумот олиш, транспорт, меҳнат ташкили, жойлашув бўлмаганида сиз ниҳоятда кўп яратишга, ўрганиб кузатишга, ишлаб топишга эришардингиз.
Онгингиз доҳиёна ғояларга ғиж-ғиж, бироқ кўчага чиқишингиз заҳоти-инжиқ инфратузилма ичига тушиб қолишингиз ҳамон- ҳаммаси-тамом. Барча салоҳиятингиз билан эл қатори банкадаги ачиган мураббога ғужғон ёпишган пашшалардан бирига айланасиз. Россия, Украина, Қозоғистон ва барча МДҲ-булар эски мураббога ёпишган бўлиқ пашшалардир. Бу ерда ҳеч қандай фитна, халқ душмани ҳам йўқ.
Бу туб моҳиятга эга қурол-воситадир. Ва шунчаки ҳамма жараёнларни имиллатади, қолган мамлакатлар эса барча жараёнларни тезлаштиришга, инновация, янгиликлар тадбиқини жадаллаштиришга уринмоқда.
"Ақлли шаҳар", " ақлли давлат"-бу сон-саноқсиз гаджетлар бор жой эмас, балки фуқаролари вақтини ҳавога беҳуда совурмайдиган макондир.

Алексей Крол.