Тишлар- мўлжалга тутилган ғоя

Бундан 100 йилча илгари тишни эрталаб ва кечқурун тозалаш унчалик одатий юмуш саналмаганига ишониш мушкул. Бор йўғи 6 фоиз америкалик тишини юварди. Оғиз бўшлиғини ноозода тутиш тартиби миллий хавфсизликка таҳлид дея эълон қилинди. Бугунда тиш тозалаш- 98 фоиз Америка аҳолисининг кундалик одатидир.
1930 йилда Клод Хопкинс деган бир маркетолог яшарди.  Иш хонасида тўсатдан унинг ҳузурига эски дўсти ўзининг бизнес ғояси билан кириб қолди. Унинг агар Клод савияли рекламани амалга оширса маҳсулоти бозорда етакчилик қилишига ишончи комил эди. Маҳсулот эса райҳон таъмли тиш пастаси Pepsodent эди.
Маркетолог бош чайқаб буни рад қила бошлади, чунки пештахталарда тиш пастаси тиқилиб кетган, талаб йўқ эди. У вақтлар оғиз бўшлиғи саришталигига эътибор қаратиш бўйича бирор кишида тушунча йўқ эди Дўсти эса Хопкинсни ўз маҳсулотини реклама қилдиришга ҳадеб кўндиришга уринарди. У иккиланиб, ахийри бунга рози бўлди.
Беш йилдан сўнг Хопкинснинг саъйи- ҳаракати туфайли Pepsodent Ер юзидаги энг машҳур маҳсулотлардан бирига айланиб, америкаликларни тишларини тозалашга ўргатди.

БУНГА У ҚАНДАЙ ЭРИШДИ?


Таклифни қабул қилгач, Хопкинс стомотология борасидаги китобларни титкилади. Унда тишларда киши овқатланишидан қатъий назар ёки тишини тозалаб турсаям шиллиқ қириндилар бўлиши ҳақидаги эслатмага кўзи тушди. У буни шунчаки " қиринди " деб атади.
Pepsodent мазкур қириндидан халос этмаслиги исботланган: у ҳар доим тишда бўлади. Бироқ Хопкинс реклама кампаниясини айнан шу мавзуга жамлади.
У сўзни таъкиддан бошлади: тилингизни тишингизга югуртирсангиз- қириндини ҳис этасиз. Мана шу тишингизга носоғлом кўриниш бериб, унинг қуртлашига олиб келади. " Бундан кейин бир неча ёрқин хулосалари келтириб ўтди.

Ғалаба қозонган табассум- бу пепсодент табассуми.
Аёлга тишларида кир қиринди нега керак?
Пепсодент қириндини йўқотади.

Кампания фазога қўйворилганидан икки ҳафта ўтиб, Pepsodentга талаб ортди. Хопкинс уч йил ичида тиш пастасидан бир миллион доллар даромад топди. У шунчаки оддий тактикани қўллаганди.

Ҳаммага хос жўн мезон (қиринди)ни топганди. Бу ҳар бир одамда учрайдиган, сезмаслик мумкинмас ҳол. Одамлар тили билан тишларида буни фаҳмлашади.

Манфаатни тўғри белгилаш (гўзаллик). Ҳар бир киши чиройли бўлишни, табассуми ёқимли туюлишини истайди.


Тушунча: бирон нима сотмоқчи бўлсанг, унинг истеъмолчига кераклигини исботла!