Sep 20, 2021
Обрў-эътибор, қимматбаҳолик ва соатлар деган сўзларни эшитганда хаёлга нима келади? Кўпчилик онгида Rolex сўзи гавдаланиши шубҳасиз. Бу бежиз ҳайрат уйғотмайди, чунки Rolex- соатларнинг энг машҳур брендидир.
Аксарият фикрича, соат бефойда матоҳ: "Телефонга қараб вақтни билсам, қўл соати менга не ҳожат?" Бироқ Rolex бу шунчаки соат эмас, балки киши мақомини акс эттирувчи кўрсаткичдир. Келинг, компания қандай туғилгани ва мазкур бренднинг замонавий дунёда қандай сабаблар асосида қадрланиши ҳақида батафсил гапириб ўтамиз.
Миллионлар одатини ўзгартириб юбориш мумкиндир!
Rolexга 1905 йили асос солинган ва унинг отаси деб соатсозликка мутлақо туғма иқтидорсиз Ханс Вильсдорфни санаш мумкин. У 12 ёшида ота-онадан етим қолади ва уни болалар уйига юборишади. Қобилиятли бўлганидан уни нуфузли Швейцария мактабига ўқишга тавсия қилишади, у бу ерни аъло баҳоларда тугатади.
Мактабдан кейин, у юқори маошли ишга жойлашади ва уни барчаси қаноатлантирарди: баланд ойлик ва мансабдан кўтарилиш. 20 ёшида мактабдош дўстидан хат олади, у Хансга Швейцария соатларини Лондонга экспорт қилиш билан шуғулланишни таклиф қилганди. 1903 йили Ханс Британия пойтахтига кўчиб ўтади, икки йил давомида ўз бизнесини тадбиқ этиш борасида изланади.
24 ёшида у ўгай укаси билан суҳбатлашаётганда, ўз ғояси ҳақида сўзлаб, бунга пули етмаётганини айтади. Жавобан акаси шундай дейди: Маблағинг бўлмаса, мен ёрдам беришим мумкин.
Шу тарзда 1905 йили Wilsdorf and Davis компанияси вужудга келади. Компания соат эҳтиёт қисмларини етказиб бериш ва W&D ёрлиғи остидаги соатларни йиғиш билан шуғулланарди. Соат савдосидаги малакали тажрибаси туфайли корхона тезда оёққа туриб, чорак сайин даромади ортиб боради.
У даврда қўл соатлари эмас, чўнтак соатлари оммалашганди. Лекин Ханс чўнтак соатларини ёқтирмасди, унингча агар қўлингда нимадир кўтариб олган бўлсанг, уни ерга қўйиб, чўнтагингга қўл солиб, соатни чиқариб, кейингина вақтни билишинг мумкин эди. Бу жудаям ноқулай эди.
Шунда Ганс ўз қўл соатларини чиқариб, дунёни ўзгартиришга аҳд қилди. Бироқ муаммо мавжуд эди: ўша пайтда қўл соати учун бир хил тугал йиғма ва аниқ механизмлар йўқ эди, шунга улар вақтни нотўғри, ҳар хил кўрсатарди. Шунда Ханс Европанинг ярмини кезиб, ўз ғоясини амалга оширишга маҳорати етадиган соатсоз усталарни қидирди, яъни олдинга мўъжаз, аниқ механизм яратиш вазифаси қўйилганди.
Орадан вақт ўтгач, Ханс шундай усталарни топа олди, W&D ўз қўл соатларини чиқара бошлади. Бироқ уни сотиш силлиқ кечмади, барибир чўнтак соатларига иштиёқ кучлилигидан, қўл соатлари қизиқиш уйғотмасди.
. Лекин Ханс анойи одам эмасди, ўз шахсий мисолида қўл соатлари нақадар қулай эканини кишиларга кўрсатди. Ҳар бир муҳим учрашувда соатига намойишкорона қараб қўярди. Сўнгроқ одамлар бундай шаклдаги соатлар анча қулайлигига амин бўлишиб, кўпроқ буюртма бера бошлашди.
Буюртмалар сони ўта ошгач, Ханс соатлар ишлаб чиқаришнинг изчил жараёнини йўлга қўйди ва бу Rolex бренди номини олди.
1910 йили Rolex хронометрик аниқлик расмий сертификатини олди. Тарихда илк бор қўл соати бундай ҳужжатни қўлга киритганди. Тўрт йил ўтгач, А аниқлик синфи берилади, бунгача эса денгиз хронометрлари мазкур таҳсинга лойиқ кўрилган.
Компаниянинг жадал гуллаб яшнашига Биринчи жаҳон уруши ҳам туртки берди, яъни чўнтак соатидан кўра қўл соати қулайлиги исботланди. Бу ҳақда эслаган заҳоти Rolex ёдга келарди.
Ўшанда ҳам компания ҳозирдагидек қиммат реклама сотиб олмаган. Оғизма оғиз этак радиоси ўз ишини 100 фоизга бажарган, Rolex ҳамон исталган ёрлиқ сифатида қолмоқда.
Хулоса: Ханс Вильсдорф профессионал соатсоз эмасди, аммо унда бундан қадрлиси мавжуд эди: дунё миқёсида харидор томонидан эъзозланадиган аниқ ва қулай соат яратиш ҳоҳиши. Бу эса унинг қўлидан келди.
Сиз ҳам ниманидир истаётган бўлсангиз, иккиланмасдан бунга қўл уринг!
