Рейтер-ахборот қироли

Израэль Бар, туғилганида Рейтерни шундай аташган, у 1816 йилнинг 21 июлида (205 йил аввал) роввин Самуэл Леви Йошавата оиласида таваллуд топган. Мактабда вундеркинд сифатида ажралган, бироқ ўта мағрур ва ўзига ишончи юқорилиги бўлганидан ўртоқлари уни ёқтиришмаган.
Отаси ўлимидан сўнг тижоратни ўргана бошлайди. 1853 йили Петтингемга банк иши борасида ўқишга жўнайди
Информация дунёни бошқаради ва пул туради. Пол Рейтер биринчи бўлиб икки омилни бир бизнес лойиҳага омухта қила олди. У сиёсатга ўзини уриб, Берлинга кўчди, ҳамкори Штергард билан бирга мўъжаз нашриёт ва китоб дўкони очди. 1845 йили Лондонда насронийликни қабул қилди ва банкир қизга уйланди.
Рейтернинг катта ўйини 1850 йилдан 40 та почта каптарини ижарага олиш билан бошланди.
Брюсселдан Ахенга каптар почтаси фаолияти шундан иборат эдики, Париждаги барча янгиликлар нусхаси махсус жилдга солиниб, уни иккита кабутар оёғига боғлашарди, уларни ходим Брюсселдан Ахенга учирарди. Каптарлар йўлни икки соатда босиб ўтишарди. Натижада хабарлар одатий маълумот етказиш тартибидан кўра бир кунга илгарироқ етиб борарди.
Рейтер биринчи бўлиб, телеграфнинг улкан салоҳиятини кўрди ва бундан фойдаланди. 1851 йили Reuters информацион агентлиги олам юзини кўрди.
Орадан ой ўтиб телеграф кабели Англияни бутун минтақа билан боғлади. Рейтер брокерларни Париждаги тижорат янгиликлари билан таъминлай бошлади. Ўшанда хусусий мухбирлик тармоқлари ривожига туртки берилди. Хабарларга таҳлилий мақола ва башоратлар илова қилинди.
Тезда Рейтер Лондон биржаси ва Ротшильдлар молиявий империяси билан шартнома имзолади. Босма нашрлар билан ҳамкорлик информацион фаолиятнинг алоҳида йўналиши сифатида юзага келди.
Ахборотнинг тезлиги ва ишончлилиги агентликнинг ташриф қоғози бўлиб хизмат қилди. Рейтер нафақат телеграф тармоқларини кенгайтиришдан фойдаланди, балким унинг техник узайтирилишига ўз маблағини ётқизди.Янгиликларни тез етказиш учун жон-жаҳди билан янгидан янги усулларни кашф этди.