Қопчиқдаги пул чўғи

Пул автоматик тарзда ўз-ўзидан тўпланиши лозим. Муваффақият калити шунда. Аксарият кишилар шундоқ ҳам тийинни тежашини айтадилар. Улар эртага учун бошқа маблағ йиғиш қурбида эмаслигини гапирадилар.
Бироқ зудликда пул зарур бўлса, улар буни қаердан олишни биладилар. Лекин сўз ҳ о з и р ҳақида кетмоқда. Унда биз нега қайғусиз келажак ҳаётимизни таъминлайдиган пулни тўплашга қийналамиз?
Гап шундаки, одам зотига бугун ва айни дам учун яшаш осонроқ, қандайдир вақтинчалик мавҳум истиқбол ҳақида бош қотириш малол келади, унинг қачон рўй бериши ҳам аниқмас (айримлар фикрича, умуман у рўй берадими ўзи?)
Айнан шунинг учун пулларни автоматик тарзда йиғиш муҳим, уларни қўлингга ушлаб, сарфлашга улгурмасдан ғамлашни бошла.
Шунчаки даромадни қўлга киритган заҳоти маълум қисмини дарҳол олиб қўй. Буни одатга айлантир. Биринчи навбатда ўзингга тўла.


Қанча пул ишлаб топсанг ҳам-уларни сарфлашга сабаб топилади.

Шундай давомийликни учратганмисан? Бу кўпчиликка хос. Даромадлар ўсиши билан унга кўндаланг тарзда харажатлар ҳам ортиб боради. Бундай осийликка оддий одамлардан ташқари машҳурлар ҳам йўл қўядилар.
Юлдузлар орасида бунга оид мисоллар бисёр, улар миллион долларлик маблағ йиғиб, натижада ўсган харажатлари важидан банкротликка юз тутишган.
Ким Бесингер, Курт Шиллинг, Майкл Жексон, Фрэнсис Коппола... Уларнинг камигина оқиб турган пул шаршараси бир куни қуриб битиши борасида хаёлга борган.
Демак, шу нарса аён кўринаяптики, ҳатто миллионларинг бўлса-да, маблағни нотўғри ишлатиб сарфлаш оқибатида гадойликка қулаш мумкин.