Nov 15, 2022
Тез ва хушхўр овқатланиш даврида энг оммавий умумий емак муассасалари ичида Mакдональдс биринчи ўринни эгаллайди. Mcdonald's бир зумдалик овқатланиш тармоғида йирикларидан биридир. Бугунда унинг жаҳоннинг 120 мамлакати бўйлаб, 37 мингта ресторани очилган, шунинг учун фри картошкаси ва гамбургер таъмини дунёнинг энг чекка ўлкаларида ҳам билишади.
МАКДОНАЛЬДС ҲАҚИДА ҚИЗИҚАРЛИ МАЪЛУМОТЛАР
Бундай олиб қараганда McDonalds- дунёдаги энг таниқли фаст-фуддир, шунинг учун уни бирор марта бўлса-да татиган киши унга қизиқиш билдириши ғайритабиий ҳол эмас. Мазкур емак ҳукмдорлиги жараёнида сизни ҳайратга соладиган кўплаб воқеалар юз берган. Демак булар.
1.1989 йил Макдональдс менюсида пицца бўлган. Уни сотишни тўхтатишганига асосий сабаб- таомни тайёрлашга кетадиган вақт эди. Ресторанларга тезда овқат пишириб бериш мақомини сақлаш муҳим эди, 11 дақиқа давомида егуликни куттириш уларнинг режасига тўғри келмасди.
2.Макдональдс буюртмасини ўртача кутиш вақти- 90 секунд. Ушбу рақам ресторан жойлашуви ва куннинг қайси вақтига қараб ўзгариши мумкин.
3.НАСА ва Макдональдс Гамбург деб номланган астероидга биргаликда коинот парвозини амалга оширмоқчи эдилар, бироқ бу юз бермади.
4.Макдональдс бутун фаолияти давомида 100 миллиард дона гамбургер сотди.
5.Макдональдс ходимларининг жами сони бутун бир Люксембург аҳолиси сонига тенгдир.
6.Макдональдснинг энг кичкина ресторани Токиода, энг каттаси Пекинда жойлашган.
7.Макдональдс дунёда картошканинг энг йирик истеъмолчиси ҳисобланади. У йилига 1,3 миллиард картошка ишлатади.
8.Ўрта ҳисобда АҚШдаги ҳар саккизинчи киши Макдональдсда ишлаган.
9.Компания тарихи давомида энг кўп ташриф буюрувчи 1990 йили Москвада ресторан очилишининг илк кунида юз берган. Ўшанда муассаса бир кунда 30 минг хўрандага хизмат кўрсатган.
10.Бир лаҳзада Макдональдс 75 та гамбургерни сотади.
Энди эса мазкур атоқли компания билан яқиндан танишиб, жаҳон миқёсида қандай шуҳрат топганини билиб оламиз.
МАКДОНАЛЬДСНИНГ КЕЛИБ ЧИҚИШ ТАРИХИ
Макдональдснинг тарихи 1940 йилга бориб тақалади. Компанияга ўз бизнесини очишга қарор қилган ака-ука Мак ва Диклар асос солишган. Макдональдснинг расмий очилишига қадар, ака-укалар Ҳолливудда декорациялар ўрнатиш билан шуғулланишган ва бунинг ортидан яхши пул ишлашган. Бошида улар кўча ёқасида ҳайдовчилар учун оддий газакхона очишди. Декорациялар билан ишлашгани уларга қўл келди- оғайнилар томнинг тепасида иккита тилла гумбазни ўрнатишди, бу эса тез вақт ичида дарҳол таниб олинадиган дунёдаги тижорат рамзларидан бирига айланди.
Бир неча йил ўтгач, ака-укалар уларга асосий даромадни гамбургерлар олиб келаётганини тушунишди. Айнан шунинг учун улар ресторанни қайта жиҳозлашди ва фақат тезда пиширилиб тайёр бўладиган егуликларни сота бошлашди.
Газакхона менюси деярли икки баробарга қисқарди, шунингдек, бургерлар баҳоси ҳам 15 фоизга туширилди. Икки йилдан сўнг Макдональдс оға-иниларга улкан даромад келтиришни бошлади, газакхона ном қозонаётгани бутун Америкада қизиқишни уйғотди.
50-йилларнинг ўрталарида компанияга франчайзинг бўйича агент, Макдональдс ривожига улкан ҳисса қўшиб, кейин унинг эгасига айланган Рей Крок келади. У Макдональдс мафкурасини яратишда асосий ролни ўйнади ва 1961 йили гамбургерология соҳасида биринчи университетни очди.
Унда Макдональдсга тааллуқли кишиларни ҳамда озиқ-овқат билан боғлиқ бошқа корхона ходимлари ўқитиларди. Университет 120 та мамлакатда тан олинган. Бугунда Макдональдс хизмат тезкорлиги ва компания ўсиши борасида кўплаб рекордлар ўрнатган.
МАКДОНАЛЬДС МУВАФФАҚИЯТИ СИРИ
Макдональдснинг асосий иш тамойили- бу сифат фақат егулик учун эмас, бутун бир хизмат учун деган мазмундадир. Мазкур зарур талабларнинг бажарилишини ресторан менежери диққат билан кузатиб боради. Макдональдснинг ютуқларини оширган унинг исталган муассасасида амал қиладиган асосий меҳнат қоидалари:
-Корпорация мунтазам равишда дунё ҳодисалари ва тенденцияларини кузатиб, уларга мослашади. Масалан, Америкада ортиқча вазн масаласи муҳокама учун долзарб ҳисобланганда, Макдональдс фаол турмуш тарзи, спорт ва соғлом овқатланишни илгари сурадиган маркетинг компаниясини ишга туширди. Ўша вақтдан менюда паст калорияли таомлар пайдо бўлди.
- Маданият ва хушмуомалалик ресторан фаолиятида муҳим жиҳатлар ҳисобланади.
-Макдональдсда мижоз ҳар доим ҳақдир. Шунга ишончингиз тўлиқ комил бўлсинки, агар бургерингизда қайла етишмаса- уни албатта сизга текинга қайтадан тайёрлаб беришади.
- Барча муассасалар ўта тозалик ва озодаликка риоя этади.
-Ресторанлар фаолияти қаттиқ назорат қилинади, ва бу хом-ашё маҳсулоти етказиб берувчиларга ҳам тааллуқлидир.
-Меҳнат самарадорлигини ошириш мақсадида майда-чуйдаларга эътиборли бўлиш талаб этилади.
-Ютуқларнинг асосий омили- ишда стандартларга амал қилиш, бу компаниянинг фалсафаси бўлиб қолди.
-Ўз ишининг бошида ресторан оилавий маскан эмасди. Муассасага болаларни жалб этиш учун унинг соҳиблари янги масхарабоз Рональд Макдональдни ўйлаб топишиб, Макдональдс майдончасида унинг ҳайкалини қуришди. Менюга эса Хеппи Милл киритилди.
Барча тамойиллар бир бирига зич омухта ва ҳар бири албатта хизматда мавжуд бўлиб, юксак даражада ишлайди.
МАКДОНАЛЬДС МЕНЮСИГА БУГУНДА НИМАЛАР КИРАДИ?
Юқорида айтиб ўтилганидек, ака-ука Макдональдлар ўз муассасаларини қайта ташкиллаштиргандан сўнг меню таркибига гамбургер, картошка, сутли коктейллар ва бир қанча ичимликларни қолдирди. Ўша пайтда фаст-фудлар оммавийлик чўққисига чиққанди.
Шунинг учун МcDonald's менюси бугунда кенгайган ва нафақат классик бургерларни (гамбургер, чизбургер, биг мак), салат, ролл ва десертларни ҳам ўз ичига олади.
Тез овқатланиш тармоғининг ўзига хос жиҳати шундаки, дунёнинг қайси нуқтасида бўлмасин, гамбургер ва менюдаги бошқа таом бир хил стандарт асосида тайёрланади. Шунинг учун Макдональдс ҳар бир шахобчасида таъм бир бирига ўхшашдир.
Бироқ шунингдек компаниянинг егуликларга бошқача ёндашувини ҳам қайд этиб ўтиш лозим. Ҳар бир мамлакат ўзига хос жиҳатларга эга экан, ресторан менюсида ҳам махсус хилдаги таомларни топасиз. Турли мамлакатлардаги Макдональдс таомларининг алоҳида хиллари қўйидагилардир:
•Паста Песто (Италия)
•Чипсли балиқ (Таиланд)
•Хамир устидаги сабзавот (Ҳиндистон)
•Креветкадан котлетли бургер (Корея)
•Занжабилли гуручли бўтқа (Малайзия)
Меҳнатга бундай ёндашув Макдоналдьсни янада оммалаштириб, мижозларнинг ишончини қозонтиради. Лекин бу ҳали ҳаммаси эмас. Бугунги кунда унинг егуликларини уйдан чиқмасдан ҳам тановул этиш мумкин, чунки Макдональдснинг етказиб бериш хизматлари ҳам кўплаб шаҳарларда
фаолиятдадир.
