Жинси шим жозибаси. Тарих.

Арзон дағал матодан бир бутун бичим ясаб, уни умум кўзига дарҳол ташланадиган бўёққа бўяб алоҳида маҳсулот ҳолига келтириш ғояси Леви Страус исмли бичиқчи шахсига тегишли кўрилади. Леви Страус Бавария (Германия)да кўп болали яҳудий оиласида туғилган, сўнгроқ у АҚШга ҳижрат қилган.
1853 йил мартида ёш Леви савдогар бўлган опаси ва поччаси таклифига кўра ўша пайтда олтин талвасасига тушган Сан-Францискога келади. Опасининг илтимоси билан Леви ўзи билан чодир ясашга мўлжалланган мато олиб олганди. Бироқ манзилга етгач, зеҳнли Леви бу ерда олтин изловчилар учун катта муаммо-- мустаҳкам уст-бошнинг йўқлиги, аниқроғи иштонлар етишмовчилиги эканини тушунди.
Леви чодир учун олиб келинган брезентнамо матодан "брезент шим" тикиш зарурлигини фаҳмлади. У маҳаллий тикувчига дунёдаги энг биринчи "яктаксиз комбинезон", "ўзи " афсонавий Леви шимлари" деб атаган маҳсулот жамламасини буюртма қилди.
Айтишларича, илк шимни шахсан ўзи лойиҳалаб бичиб, тиккан. Бу икки ҳошия чокда мустаҳкам тикилган кўп чўнтакли шимлар эди.
Страусс чинакамига тилло ёмбисига қўли текканини дарров тушунди, бунга олтин изловчи сифатида пона ҳам ишлатиб ўтиргани йўқ. Вақт ўтмай, бутун шаҳар Левининг мўъжизакор шимлари ҳақида гапира бошлади. Буюртмалар сони қор уюмларидек йиғилди. Леви ўз чодирини ташлаб, Сактаменто-стрит, 117 даги чинакам дўконга кўчиб ўтди. Унда levi Strawess&Co номли ёрлиқ пайдо бўлди. Компанияга Леви Страуснинг акалари Жонас ва Уильям кирди. Бироқ оилавий бизнес бошчилиги сўзсиз Леви қўлига ўтди. У кончилар жамлоғида бўлиб, мижозлар ҳоҳиш-истагини ўрганди. Баъзилар шимнинг айрим қисмларини қайта бичишни, баъзилари камар ўтказишга илгак кераклигини, қолганлар олтин қум тўкилиб тушмаслиги учун ёпишқоқ чўнтаклар зарурлиги ҳақида айтишди. 1853 йилдаги шимнинг илк нусхаси орқа чўнтакларсиз ва камар учун илгаксиз эди.
Вақт ўтавериб, бичим шакллантирилди, жинси шароитга қулай бўлиб борди. 1886 йилда levis жинсиларида шимни икки тарафга тортиб йирта олмаётган бир жуфт тулпор сувратли чарм лейбл пайдо бўлади. Мазкур суратда ҳаётий тажриба акс этган. Америкалик паровоз машинистининг шоҳидлик беришича, у икки дона шимни вагонларнинг узилиб кетган занжири ўрнида улаб, шатакка солиб, составни манзилга довур эсон-омон етказа олган.