Mar 22, 2021
Яна бир бор интернет оламини кезинарканман, жудаям омади чопган тадбиркор IKEA асосчиси Ингвар Кампрад ҳақидаги мақолага кўзим тушди. Оддий оиладан чиққан, юксак чўққиларни забт этиб, ўзига ниҳоятда тўқ, муваффақият ва олқиш қозонган тадбиркор бадавлат кишилар рўйхатидан энг юқори ўринни эгаллаган шахсга айланди.
Бошқаларнинг ютуғига нигоҳ қадаган дўстларимдан бири " унақалар кетида олтин қошиғи билан туғиладилар "деган иборани ишлатганди. Бунақа бўлмайди, бу шунчаки бошга тушган омад, бечора хонанишин одамларга ҳеч қачон бундай бахт насиб этмайди. Ҳа, ҳар ким ҳам бадавлат оилада туғилишга муяссар эмас, лекин айнан, ёқимсиз шароитларда ўсиб, вояга етганлар бошқаларга кўра улгурувчан бўладилар.
Ингвар Кампрад чўнтагида бир ҳемирисиз ўз ишини очган, натижада дунёнинг энг бой кишиларидан бири, IKEA мебель гиганти ( хонадон учун мебель моллари савдоси тармоғи) асосчиси бўлиб етишди. Кичик бир швед қишлоғида камбағал оилада яшаган кишининг бутун дунё шаҳарларидаги уйларни жиҳозлашга қандай муваффақ бўлгани ҳақида ҳеч ўйлаб кўрганмисиз?
Балким камбағаллик унда болалик чоғларидан меҳнатсеварликни тарбиялаган, айнан қашшоқлик кейин уни жадал ҳаракатларга ундаган ҳам бўлиши мумкин. Қайд этиш лозимки, Ингварда ҳеч қандай университет маълумоти мавжуд эмас.
Интервьюлардан бирида Ингвар беш яшарлигида "карьера" сини гугурт(!) сотишдан бошлаганини гапирганди. Кейин у маҳалласини велосипедда кезиб, турли ашқал-дашқал: арча ўйинчоқлари, қалам ва балиқ сотиш билан машғул бўлган.
17 ёшида отаси унга мактабда
таълимни яхши ўзлаштиргани учун қандайдир маблағни итқитади, бунга IKEA( ундаги ҳарфлар Агуннарюд қишлоғидаги Эльмтарюд фермасилик Ингвар Кампрад маъносини англатади) фирмасини рўйхатдан ўтказади. Ўша даврларда компания харидорлар талабига биноан моллар сотарди. Лекин Ингварнинг ўзи бошқа ғояга ёпишиб олганди, унингча IKEA одамлар ўз уйларини бекаму кўст жиҳозлашдаги бор орзу эҳтиёжларини ҳатто пуллари бўлмаса ҳам қондиришга имкон бера оларди. Ва у бунга эришди. ғоя амалга ошди, ҳатто муваффақият қозонтирди. Дунёвий IKEA гиганти жаҳоннинг кўплаб мамлакатларида машҳур бўлиб кетди.
Агар киши ғояларга кўмилиб, унда яшаркан, албатта, ҳаётда кўп нарсаларга эришади. Фақат кундалик бетиним меҳнат, ўз ишига муҳаббат, янги ғоя ва қарорлар излаш-- йўлга қўйилган ишлаб чиқаришда мақсадни оқлади- мўъжаз дурадгорлик устахонасидаги кичик корхона даромад келтирувчи улкан тармоқ касб этди. Ингварнинг ўзи буни шундай изоҳлаган: " Биз муаммонинг ўрнида имкониятни кўрдик. " Йиллар ўтгач, Кампрад йиққан маблағ 3 млрд доллар атрофида бўлди. У дунёнинг энг бадавлат кишиларидан бири саналса-да, камтарона турмуш тарзини давом эттирди.
Кампрад тарихга ХХ асрнинг ўз орзусини ҳаётийликка айлантирган тадбиркорларидан бири сифатида кирди. Унинг мисоли кўп жиҳатларни ойдинлаштиради, яъни ниманидир астойдил истасанг, бунга кучингни аямасанг, мақсад йўлида тўхтамасанг, кунларнинг бирида албатта, муваффақият қозонган киши бўлиб уйғонасан. Муваффақият эса уни кутиб олишга вақти йўқ одамларга қучоқ очади.
Себастиан Перейро, блогер.
