Sep 11, 2021
Оиламизнинг молиявий фаровонлиги пул ва вақтни қай тарзда сарфлашимизга боғлиқ.
Мабодо пулга эҳтиёж сезиб, у нақд қўлингизда бўлмаса- бу яхши сабоқ. Бунда сармоя эътибор талаб қилиши ва унга ақлли муомалада ёндашиш кераклигини тушуниб етасиз.
Бунақа "пулга оид" сабоқларни бир мартанинг ўзидан илғаб олиб, келгусида унга таяниб иш тутмоқ лозим.
Сиз нақадар кўп ёки нақадар оз пул ишлаб топаётганингиз муҳим эмас. Асосий масала-пешона терингиз эвазига келган пулларни нима қиляпсиз, уни нимага сарфлаяпсиз, уни қандай йиғяпсиз.
"Аҳмоқ ўз хатоларига, ақлли бировникига қараб сабоқ чиқаради." Сиз мазкур иборани эшитган бўлсангиз керак.
Шунинг учун ҳаётни сизга мушту тепкилашлар ва ташвишлар орқали пул билан қандай муносабатда бўлишнинг аччиқ ҳақиқатларини англатишига йўл қўйманг. Яхшиси дарҳол пул билан муомалада қайси қоидаларга риоя этиш, қайсиларидан воз кечиш ҳақида эслаб қолинг.
Мазкур мақолада қулоққа қўрғошиндек қуйилиши лозим тўртта қоидани келтириб ўтаман.
1) Қўшимча даромад.
Фақат бир ишнинг бошини ушлаш- бу "битта саватнинг ичига ҳамма тухумларни тахлаб чиқиш " деганидир. Турмушда қўққисдан қоқилиб тушсангиз, тешик тоғора қаршисида қолиш ҳеч гап эмас (ишсиз ва пулсиз.):
Шунинг учун заҳирада қўшимча пул топиш манбаси бўлиши керак.
Ҳозирда асосий ишдан ажралмаган ҳолда қўшимча пул топишга ёрдам берадиган минглаб усуллар мавжуд.
2) Пулни ҳис этиш.
Қитмирлик қилмасдан тан олишимиз керак, пул ҳаётда ҳар биримиз учун муҳим, шу сабабдан улар билан тўғри муомалада бўлишни ўрганиш ҳам муҳимдир.
Пулга ҳиссиётни ривожлантиринг, кундалик молиявий масалаларда, уларни сақлашда, жамғармангизни кўпайтиришда сувдаги балиқдек эркин сузишни билинг,
Молиявий қонунлар ва етарли маблағга эга бўлиш фавқулодда осондир: "моянангиздан кам сарфланг," пул одамга хизмат қилиши керак-одам пулга эмас", "энг улкан сармояни ўз ишининг усталари ишлаб топади."
Ўзингиз айтинг-чи, бунинг нимаси қийин?
3 )Бугунги ўй-хаёлларингиз-эртанги ҳаётингиздир.
Сиз ўзингизга ҳеч қачон кексаймайдигандек туюласиз.
Ёш йигитга ўзининг ажинли келажагини тасаввур қилиш мушкул. Лекин вақт барчага битта қонун асосида таъсир кўрсатади, кун етиб доимо ишга бориш оғирлик қилади ва нафақага чиқишга тўғри келади. Улғайган чоғда молиявий турмушингиз қандай кечиши ҳозирда қилаётган сарф-харажатларингизга боғлиқ.
Маошингизгинг бир қисмини йиғинг ва уни фойдага ётқизинг.
Бу сизга вақт сайин оёққа туришингизга кўмак беради (фойдаси эса сизга ва оилангизга ярайди).
4) "Кўзларга чанг сепманг."
Ҳеч қачон маблағингиз етмаган буюмларни сотиб олманг. Одамларни кўзида чираниш учун қилган амалингиз билан молиявий аҳволингизни камбағаллик даражасига тушириб юборишингиз мумкин.
Ҳамёнингизга яраша яшанг-атрофдагилар кўзига чанг сепишга интилманг, яъни кеккайиш учун пул сарфламанг. Кўпроқ сармоя ётқизишга урининг.(фақат шу усул сизни маблағи ошиқ кишига айлантиради.)
Сўнгда қайдлар:
1.Бой бўлиш учун "пул қонунлари" ни бузишни бас қилмоқ лозим.
2.Ўз пулларингиз билан муомалада "кичкина қадамлар" санъатини эгалланг (барча амал уни бажараётганда енгилдир, у ҳақда ўйлаганда эмас).
Н. Евстигнеев, иқтисодчи.
