Dec 28, 2022
6 ёшли фин қизалоғи Хельга Хелтунен Янги йил байрами арафасида унга 100 дона почта маркасини туҳфа этишни сўраб Парвардигорга мактуб ёзди. Финляндияда нотўғри манзилга йўлланган хатни фақат президент очиш ҳуқуқига эга. Хуллас "Жаноб Парвардигорга" юборилган нома 1958-1982 йилларда мамлакатни муваффақиятли бошқарган Урхо Калева Кеккенен томонидан ўқилди. Кеккенен қизчанинг илтимосини қаноатлантиришга қарор қилди, лекин бундай кичкина бола учун 50 дона марка етиб ортади деб ўйлади. У қизалоққа етарли пул ва "Парвардигордан" мактубни ўз машинаси орқали етказилишини таъминлади. Орадан вақт ўтгач, девонхонага Хельгадан яна бир хат келиб тушди. У уйлари ёнига келиб тўхтаган президент машинасига бутун кўча аҳолиси қизиқиб кўз тикканини ёзди. Қизча ҳатида Парвардигордан унга президент орқали энди бошқа пул юбормаслигини ўтинди, негаки, ёзди қизча, ярмисини у ўғирлаб қолган.
