Aug 09, 2021
Бир эркак ўзи кулоғи оғир деб шубҳа қиладиган хотинига ёрдам бермоқчи бўлди.
Оқшомларнинг бирида хонанинг қарама қарши чеккасига бориб, унинг орқасидан шивирлади:
-Мени эшитяпсанми?
Жавоб бўлмади, у яқин келиб такрорлади.
-Энди-чи, эшитяпсанми?
Натижа ўша эди.
У яна ҳам яқинроқ келиб сўради:
-Эшитяпсанми мени?
Жавоб қайтарилмагач, у хотини елкасидан оша саволини такрорлади.
Аёл ўгирилиб қаради ва деди:
-Тўртинчи марта айтяпман: Ҳа!
Шундай бўладики, биз бошқаларда ҳаммаси жойида эмас деб ўйлаймиз, аслида эса бор муаммо ўзимиздадир.
