Кичкина сотқинлик

Кичкина сотқинлик- у қадар кўзга ташланарлимас. Ҳатто оғиз жуфтлаб гапиришга тайинли гап йўқ. Масалан бир болакай оиласига идиш-товоқ ювишарди. Ҳафсала билан жўш уриб юварди. Онаси унинг қўли теккан идиш алоҳида товланиши ҳақида оғзидан бол томизиб гапирарди. Фавқулодда топ-тоза!
Бола жон жаҳди билан бу ишга уннарди. Кейин эса онасининг дугонасига қотиб кулганча ўзининг бу қитмирлигини мақтаниб сўзлаб бераётганини эшитиб қолди. Ишонувчан гўдак идишларни ёғ тушса ялагудек ювади. Энди у полларни ҳам яхшилаб супуриб сидириб, ялтиллатиб артаётганини ҳам кўрса бўлади. Сидқидилдан тоза. Онаси куларди. Кулгили-я ҳаммаси.
Бир қизалоқни эса боғчадан олишни эсдан чиқазишди. Ота-онаси нимагадир чалғишди ва унутишди. Кейин хаёллари жойига тушиб, қўнғироқ қилишди ва қизчани тунги гуруҳда олиб қолишларини сўрашди. Ахир бунинг ҳеч ваҳимали жойи йўқ-ку?! Қизча кўз ёш тўкиб ўтирмади, аммо даҳшатдан муз қотди. Ва ҳоҳлаган пайтда, ҳоҳлаган ерда ташлаб кетишларини тушунди. Бу ҳеч нима эмас. Ҳеч кимга умид қилмаслик керак.
Яна бир қизчани эса онаси хушторининг уйига олиб борарди. Мулойим айтганда улар қучоқлашишганда қизалоқ қўшни хонада ўйнаб ўтирарди. Сўнгра эса онаси жуда ҳам қатъий равишда дадасига бу ҳақда оғиз очмасликни уқтирарди. Чунки дада ўлиб қолиши мумкин. Бу ҳақда билиб қолса у инфаркт бўлади. Хўш шунда ким айбдор бўлади ? Албатта, қизча. У ўз Отасини Ўлдирган Қизалоққа айланади. Кичкина қотил.
Баъзида болалар мана шундай кўп кичкина, сезиларсиз хиёнатларни бошидан кечиришади. Кўринишидан ҳаммаси яхши. Ота-оналар ҳам меҳрибон, тўғрисўз, ҳалол бўлишга ўргатишади. Уларнинг ўзи бекаму кўст кишилардир. Қўл кўтаришмайди, зўравонлик қилишмайди, шундай эмасми?
Кичкина сотқинликлар инсон тақдирида яққол таъсир этади. Унинг ўзи хиёнаткорга айланади -ота-онасининг ўзини тутиш шаклини ўзлаштиради. Ёки унинг ўзини муттасил сотишади. Чунки у онгсиз тарзда сотишга мойил кишиларга талпинади. Ахир у ўз вақтида шунақаларни яхши кўрган. Шундайлар орасида вояга етган.
Кичкина сотқинлик, албатта, у кичкина. Чунки одамнинг ўзи кичкина. Жимитдек. Кичик ҳаётий тажриба, яшаб қолишга оз куч манбаси билан.
Кичкина сотқинлик каттасини ҳазм эта олмайди. Кичкина юрак эшитилмасдан, урмасдан, ҳеч бир сассиз секингина синади. Кичкина одамнинг содир бўлган кичкина сотқинлик ҳақида гапиришга яқин кишиси ҳам йўқ.

А. Кирьянова