Соқолсиз учувчилар

Авиакомпаниялар экипаж аъзолари қаршисига нафақат касбий маҳорат борасида, ташқи кўриниш бўйича ҳам талабни юқори қўядилар. Бу йўловчилар билан яқиндан ишлайдиган хизматчилардан ташқари парвоз учувчиларига ҳам тааллуқлидир. Учувчилар қанчалар соқол қўйишни истаб қиёфаларига мардонавор тус беришни исташмасин, бу ниятни ўз касблари йўлида қурбон қилишларига тўғри келади. Бунинг барчаси шунинг учунки, қатъий ўрнатилган тартиб-қоида юзда чақир-тиканак ўстиришни тақиқлайди. Мазкур тақиқнинг мазмунан жиддий деб қараладиган икки омилли сабаблари мавжуд.

КЎПРОҚ КИСЛОРОД

Учоқлар Ер куррасидаги энг хавфсиз транспорт воситаси ҳисобланса ҳам, лекин унда фавқулодда ҳодисалар ҳам рўй бериши эҳтимоли мавжуд. Учувчи кутилмаган вазиятга тайёр турмоғи лозим. Фалокат уйғонган лаҳзада учувчи мижозларни хавфсизлантириш учун диққатини тўлиқ учоқ бошқарувига қаратиши керак. Толаси зич ниқоб таққан учувчига мабодо кислород етиб келмаса, бу қийин аҳволдаги экипажга ёмон оқибатларни келтириши мумкин. Бундай ҳолатда яна уч карра ўйлаб кўришга тўғри келади: ташқи кўриниш зарурми ёки ишончлилик? Ва, албатта, аслида қоидалар танловга жой ҳам қолдирмайди.

КАМРОҚ ҚЎРҚУВ

Аксарият кишилар училадиган транспортга ёвқараш, шубҳа билан боқадилар. Парвоз даврида ҳеч қандай нохушлик, жанжал бўлмаслиги учун экипаж йўловчилар ишончини қозониши зарур. Ўтказилган тадқиқотлар шуни кўрсатдики, кўплаб одамлар бетида жун ўстиришга йўл қўйган нотаниш кишиларга ҳадиксираб муомалада бўладилар. Парвоз вақти эса қанча тинч  ўтса  шунча яхши. Демак, учувчилар саёҳат гўзал кечиши учун барисини қилишга тайёрлар. Бу касб учун эса қайсидир орзуни қурбонлик деб санаб ўтириш ортиқча масала ҳамдир.