Салом ва хайрнинг қиммати

Аёл тўсатдан музлатгич ичида қамалиб қолди. 

Аммо орадан бироз вақт ўтиб содир бўлгани бебаҳо воқеадир! 

Аёл гўшт комбинатида ишларди. Бир куни у иш кунининг охирида ниманидир текшириш учун совутгич камерасига борди ва кутилмаганда унинг эшиги ёпилди- аёл унинг ичида қолиб кетди. Аёл бор овозда бақирди, тўрт томонни бор кучида тинмай тақиллатди, бари бефойда эди, уни бирор зоғ эшитай демасди. Ишчиларнинг аксарияти кетган, яна музлатгич ичида нималар кечаётганини эшитиш амри маҳол эди. 

Орадан беш соат вақт ўтгач, ўлимга бир баҳя қолганда, заводнинг кекса қўриқчиси эшикни очди, аёл мўъжиза юз бериб ўша куни ўлимдан қутулиб қолди. 

Сўнгроқ аёл ундан нега ўша куни бу унинг вазифасига кирмаса-да, музлатгич камерасини текширишга қарор қилгани ҳақида сўради. 

Қўриқчи жавоб берди: "Мен бу заводда 35 йилдан буён ишлайман, юзлаб одамлар келиб кетади, аммо сиз менга эрталаб салом бериб иш кунининг охирида хайр дейдиган саноқли кишилардан бири эдингиз. Менга кўпчилик гўё кўринмас одам деб қарайдилар. 

Бугун ҳам ўтаётиб" Салом" дедингиз, аммо иш куни тугагач менга "Эртагача хайр" демаганингизни алоҳида қизиқсиниб фаҳмладим, яна завод ҳудудини тарк этганингизни ҳам кўрмадим. Шунинг учун текширишга жазм этдим. Сизнинг ҳар куни "салом ва" хайр"ингизга ўрганиб қолганман, бу менга кимгадир кераклигимни эслатиб туради. 

Бугун хайрлашмаганингизни кўриб, нимадир содир бўлганини англадим. Шунинг учун чор тарафдан сизни қидиришга тушдим. "