Dec 27, 2023
Сабр- жудаям хавфли нарса.
"Сабр қилинг. Жим туринг. Уларга керагини бажаринг, жанжалга не ҳожат?"- буларнинг барчаси тўғри. Чинданам жанжаллашиш керакмас. Ўлиб қўя қолиш мумкин, ёқалашмаслик лозим. Бу ёмон - жиққа муштлашиш. Бироқ ҳар қандай мослашув, доно Фрейд ёзиб кетганидек, кичкина ўлим.
Ҳар сафар, қачонки киши ички ақида ва қадриятларимизга тўғри келмайдиган нимагаки мослашса, шахсиятининг бир бўлаги ўлади. Кичкина руҳий ҳалокат содир бўлади.
Формула эса жўн: даставвал психологик ўлим, кейин ижтимоий, сўнгра жисмоний. Ҳиссиётлар ҳеч қаёққа кетмайди, улар ичкаримизда қолади ва бизни ўлдиради. Ҳар қалай ғояси, қилиқлари ва гаплари бизга умуман тўғри келмайдиган одамга тиржайиб, у билан бажонидил сўзлашамиз.
Аммо рўмолча ва патнисни унинг ёнида кўтариб табассум билан чойчақага умидвор бўлишга тўғри келади. Чойчақадан аслида асар йўқ, яъни жанжал кўтарилмаслиги шунинг ўзи демак. Ва сенга ёқимсиз киши наздида ёқимли туюлиш.Рисолага кўра, бундан ўзга ҳеч қандай наф йўқ. Лекин бунга товон тўлаш даҳшатли.
Ҳар бир мослашув- кичик ўлим. Балким мия толалари ўлар, балким юракнинг бир парчаси қуриб, ҳалок бўлар, аммо энг хатарли ва зарарли юмуш- мудом мослашиш ва кулимсираш. Ва буюртмани зор кутиб, хизматкорга ўхшаб стол олдида букчайиб туриш...
Дипломатия- бу бошқа нарса. Бу ўзаро манфаат асосида тинчликни сақлаб, тенг муносабатларни ўрнатиш ҳақидаги фан. Мослашувчанлик ва сабр-тоқат қилиш-хавфли нарсалардир. Агарда бизга керак бўлмаса, уларга керакли нарсани қилмаслик лозим. Ва агарда жавоб қайтариш зарур бўлса, жим ўтирмаслик керак.
Ҳаёт қимматлидир, билсангиз. Ва соғликни ҳам чойчақага сотиб олиб бўлмайди. Ва ўзига катта баҳо берадиган телба манманларга эмас, ҳаётга мослашиш зарур. Яшаб қолиш ва ўз меҳнатинг ҳосили билан ўзгаларни мамнун этиш учун шундай қилмоқлик керакдир.
А. Кирьянова
