Apr 01, 2022
Редьярд Киплинг қатъиятли империалист ва милитарист эди.Буюк Британия 1914 йили Биринчи жаҳон урушига қўшилганда Киплингнинг кенжа ўғли отаси қарашидан илҳомланиб, неки бўлмасин фронтга отланишга қарор қилди. Жоннинг ёши атиги 16 да эди, кўришида ҳам ноқислик мавжуд эди- комиссия бирин кетин унинг аризасини рад этарди.
Биринчи жаҳон урушини "ривожланишга томон хоч юриш" деб атаган отаси шижоат билан таниш-билишларини ишга солди ва ахийри ўз мақсадига эришди: 17 ёшида туғилган кунида иккинчи лейтенант кичик Киплинг Ирландия гвардиясининг иккинчи батальонига қабул қилинди, бир йил ўтгач эса ота-ўғилнинг орзуси ушалди, Жон фронтга кетди. Отаси бошқа унинг дийдорини кўрмади.
1915 йили сентябрида Лоос бўйидаги жангларда Жон бедарак йўқолди. 1992 йилга келибгина унинг танаси таниб олинди.
"Уруш мадҳиялари" дан бирида уруш фожеаларидан илҳомланган адиб Киплинг шундай сатрларни битганди:
-Не учун ҳалок бўлдингиз, йигитлар!
-Оталаримиз бизни алдагани туфайли.
Бу нимани англатади. Агарда адолатли уруш ҳақида эшитиб қолсангиз, билингки, бу ёлғон. Уруш- ўлимдир.
