Болакай Моцарт

Кўпчиликка маълумки, Волфганг Амадей Моцарт болалигидан фавқулодда ноёб иқтидор эгаси эди ва ҳаётида ижоддан ҳам кўра бошқача яхшигина юмушларни ҳам "қойиллатган."
4 ёшида клавир учун концерт ёзганининг ўзиёқ ота-онасига ғаройиб омад кулиб боққанини англатади. Айтмоқчи, кунларнинг бирида бир талаба унинг ёнига келиб симфония қандай ёзилиши ҳақида сўрайди. Бунга жавобан Моцарт, унга яхшиси бошқа енгил ишнинг бўйнини тутганингиз маъқул дея маслаҳат беради. "Нега, ахир, сиз 9 ёшингизда симфония ёзгансиз-ку?!"-дейди талаба." Мен эса бунинг қандай қилиниши ҳақида ҳеч кимдан ҳеч қачон сўраб ўтирмаганман, "-деб жавоб қайтаради Моцарт.
Шуни айтиб ўтмоқ лозимки, катта ёшдагиларга хос ютуқларга эришгани билан (14 ёшида академик бўлиб етишади) у барибир норасида бола эди. Бир куни концерт пайти саҳнага мушук югуриб чиқди, Моцарт томошабинларни ҳам унутиб бор кучда оёқларини ишга солиб унинг ортидан пилдираб чопди ва мушукни етиб қўлига олди. Отаси жаҳли чиқиб бақирганида мурғак Моцарт жавоб берди: "Ахир, дада, клавесин ҳеч қаёққа кетмайди, мушук эса қочиб кетиши мумкин."
Ёш даҳога ҳавас қилмасликнинг ҳеч иложи йўқ!
Бутун болалиги давомида бутун Европани концертлар билан кезиб чиқиш ҳар кимнинг қўлидан келмайди. Ана шундай концертлардан бирида у ҳатто кўзи боғланган ҳолда куйлар ижро этган. Академияни тугатгач эса, отасига шундай ҳам деган: "Дада, энди академикман. Энди сайрга чиқсам рухсатми ?"

АЙТМОҚЧИ:

1.Моцартнинг тўлиқ исми- Йоханнес Златоуст Вольфгангус Теофилиус Готтлиб Сигизмундуз- мазкур сўзларнинг бари бир маънони англатади, фақат ҳар хил тилларда, улар " Тангри суйган" деган мазмунга эга.
2.Вольфганг оилада еттинчи фарзанддир, бироқ ака-опаларининг барчаси гўдаклигидаёқ вафот этган. Фақат битта опаси тирик қолиб, у Моцартдан тўрт ярим ёшга катта эди.
3.Жаҳон бўйлаб концерт учун саёҳатини бошлаганда ёш мусиқачи етти ёшда эди ва у 3,5 ярим йилга... чўзилди. Моцарт ижролари билан Лондон, Парижда, Швейцария, Германия, Голландия, Фландрия ва бошқа мамлакатлар шаҳарларида чиқишлар қилди.
4. Моцартнинг бўйи бор йўғи 160 см эди.
5.Моцартнинг заиф тарафи бильярдга суяги йўқ ишқибозлиги эди. У бор сармоясини ўйинга тикарди.
6.Моцарт илк норасмий мусиқий кўчирма муаллифидир- у йилда бир марта янграйдиган Сикстин капелласида Аллегрининг "Мизерере" сини бир марта эшитиб, мазкур Ватикан мулкини (ноталар фақат Рим Папасида мавжуд эди) деярли хатосиз хотирасидан тиклади. Буни эшитган Папа ҳайратдан донг қотди ва Моцартни Рицарлик олтин панжа ордени билан тақдирлади.
7.Моцарт Австрия миллий мадҳияси муаллифидир.
8.Моцартнинг қулоқлари ҳар хил эди, у чап қулоғи чаноғида иллат билан туғилган.
9.Моцарт қўлга ўргатилган майнасининг сайрашини тинглаганда кучли илҳом жунбушига келарди. У фортепиано учун №21 концертига лавҳалардан бирини ёзиб тугатганида майнасининг бехосдан сайраб юбориши диезни бемолга алмаштиришига олиб келди, Моцартнинг тан олишича, майна оҳанги бу қисмда яхшироқ жарангларди, шунинг учун буни асарнинг якуний шаклига киритди.
10.Жаҳоннинг деярли барча аэропортларида эълон аввалида Моцарт 18 ёшида яратган ре мажор Мўъжаз ибодат куйининг илк ноталари янграйди.