Free HTML5 by FreeHTMl5.co Feb 10, 2023

Илтижо

Доктор Марк таниқли онколог эди. Бир куни у тиббиёт соҳасида унга мукофот топшириш кўзда тутилган бошқа шаҳардаги муҳим конференцияга учоқда йўлга тушди. Бироқ парвозга бирор соат ўтар ўтмас бошқа яқин аэропортга авария туфайли қўнилди. Доктор машина ижарага олди ва конференцияга ошиқди. Йўлда кетаётганида об-ҳаво бузилиб, кучли бўрон кўтарилди. Шалаббо ёмғир туфайли интернет ғойиб бўлди, у йўналишдан чалғиб бошқа манзилга машинани буриб, адашиб қолди. У ўзини оч-наҳор, тинкаси қуриган ҳис этди, шунинг учун тўхтаб ўтишга жой қидирди. Ниҳоят мўъжазгина уйнинг қаршисидан чиқди ва у эшикни тақиллатди. Эшикни аёл киши очди.
У вазиятни тушунтириб, аёлдан фойдаланишга телефонини сўради. Аёл телефони йўқлигини айтди, аммо ҳаво яхшилангунча унинг уйига кириб кутиши мумкинлигини гапирди. Қорни оч, ёмғирда ивиган, силла мадори қақшаган шифокор унинг таклифини қабул қилди ва ичкарига қадам босди. Аёл унга иссиқ чой қўйди ва ибодат учун ўрнидан туришини айтди.
Стол атрофида чой ичиб ўтириб, шамнинг хира ёруғида доктор аёлнинг боласи каровоти ёнида тиловат қилаётганини кузатди. Шифокор аёлнинг кўмакка муҳтожлигини тушунди ва ундан сўради:
-Сиз Парвардигордан айнан нима ҳоҳлайсиз? Наҳотки сиз Худо қачондир оҳу нолаларимни тинглайди деб ўйласангиз?
Аёл ғамгин кулимсиради ва деди:
-Тўшакда ётган бу бола менинг ўғлим, у саратоннинг кам учрайдиган хили билан оғрияпти, фақат бир доктор уни даволай олиши мумкин, у шифокорнинг исми Марк, лекин фарзандимни даволаши учун унга беришга менда пул йўқ, бундан ташқари доктор Марк бошқа шаҳарда яшайди. Худойим ҳамон илтижоларимга жавоб бермади, аммо барибир унинг ёрдам беришини биламан... эътиқодимни, ишончимни ҳеч нима синдира олмайди.
Карахт қотган ва айтадиган сўзларини йўқотган доктор Марк юм-юм йиғларди. У шивирларди:
-Тангри буюк.
Унинг кўзи олдидан бугун рўй берган ҳодисалар бирма бир ўта бошлади: учоқдаги носозлик, йўлидан қолишга мажбур қилган жала ёмғир; буларнинг бари рўй беришига сабаб- Тангри нафақат аёлнинг дуо-илтижосини эшитди, шифокорга ҳам унинг моддий оламдан бир чиқиб, тиловатдан бошқа ҳеч нимаси йўқ бечора ва бахтсиз одамларга кўмак кўрсатишига имкон берди.

Saxifadagi eng mashxurlari
Eng mashxurlari