Jan 26, 2023
Умар Баркан ал-Ғала 1989 йилнинг сентябрида Боғдодда туғилган, лекин бутун болалиги Дубайда ўтди. Шеърият ва расм билан у 12 ёшидан шуғулланди, бироқ ўсмирнинг ота-онаси болаларча мазкур юмушлар куни келиб ўғилларининг дунёга танилишига таъсир кўрсатиши мумкинлигини ўйлаб ҳам кўришмаганди. Умар кўзга ташланадиган даражада суқсур йигит бўлиб етишди ва балоғат ёшидан турли брендлар рекламасида суратга туша бошлади.
Умар Боркан ал-Ғаланинг мафтункор қиёфаси сезиларсиз қолиши мумкин эмасди, бироз вақт ўтгач у Samsung компанияси билан йирик реклама шартномасини имзолайди. Бироқ Ер юзида модель ва манекенчилар олам-жаҳон, мабодо ижтимоий тармоқ орқали бир қитиқпатли вазият ёйинламаганда Умар бунчалар қизиқарли ва машҳур бўлмасди.
2013 йили Боркан ал-Ғала ҳамкасблари билан Эр-Риёддаги маданият фестивалида қатнашаётганди. Кўплаб мухлисалар Умарни ёқтиришгандан уни дарҳол пайқашди. Қайсидир лаҳзада манекенчи йигитга ундан дастхат олишга интилганлар оломони ёпирилди ва бундайин қизғин вазият диний полиция эътиборидан четда қолмади. Кейинроқ йигитнинг тушунтиришича, ҳокимият вакиллари ундан фестивални зудликда тарк этиши лозимлигини сўрашган, сўнгроқ эса у Саудия Арабистони ҳудудидан бош олиб чиқиб кетди ва Канадага бориб жойлашди.
Табиийки, мазкур воқеа яшин тезлигида ижтимоий тармоқда тарқалди. Турли хорижий оммавий ахборот воситалари мамлакат ҳукумати Умарни ўта жозибадорлиги, бу эса аёллар хаёлини ўғирлаб, уларни гуноҳга ботириши мумкинлигидан ҳайдаб юборганлиги ҳақида ёзди.
Ушбу воқеа силсиласида Боркан ал-Ғала сиртдан "дунёдаги энг чиройли араб" унвонини олди. Шу билан бирга ижтимоий тармоқда машҳур одамга айланди. Узоқ вақт давомида Умар вазиятга изоҳ бермай келди. Ниҳоят унинг ўзи барча i га нуқта қўйишга қарор қилди.
Манекенчининг айтишича, бадиий кўргазмадаги ҳодисадан сўнг ҳокимият вакиллари у билан боғланмаган, Канадага кетишни эса у аввалдан режалаштирган, Умарнинг мазкур қарори иш ва истиқбол билан боғлиқ эди. Машҳурлик кетидан йигит бир неча миллион доллар даромад топди. Бир неча давлатлардан ҳашаматли уйлар харид қилди ва турли русумдаги қимматбаҳо автомобиллар тўпламига эга бўлди. Айтганча, мухлисалардан бири унга 100 минг долларлик "Мерседес" ни туҳфа сифатида юборди.
Ўшандан буён интернет фойдаланувчилари диққати йигитнинг кейинги ҳаёти қандай кечишига қаратиб келинди, унинг уйланиши билан боғлиқ ҳодиса ҳам муҳокама марказига тушди. У жуфти ҳалол сифатида танлаган қиз Ясмин Овейда бўлиб, у дизайнер эди, баъзида моделинг сифатида ҳам пул топарди. Афтидан улар суратга тушиш пайтида танишишганди.
Ҳайратланарли жиҳати шундаки, Умар қайлиғи Ясмин билан биргаликдаги суратини чоп этгани заҳоти мухлисалар унга танқид тошларини ирғитишди. Уларнинг назарида, келин жудаям Умарга номуносиб, хунук ва эркаксабзи эди. Бунга аёлларнинг ҳасади деб қаралди.
2016 йили улар ёқимтойгина Диёб Боркан исмли ўғилнинг ота-онаси бўлишди. Тўғри, оила бахтиёрлиги узоқча чўзилмади. 2018 йили номаълум сабабларга кўра улар ажрашишди, бола эса ўз- ўзидан онаси билан қолди, Умарнинг блогида баъзи ҳолларда ўғлининг сурати кўриниб қолади, бу ҳам тўлиқ расм бўлмай видеочатдан олинган скриншотлардир.
Умар рекламада ҳамон қатнашишда давом этиб, ижтимоий тармоқда саҳифаларини юритмоқда. У даврини хушвақт ўтказмоқда, бироқ хотинидан сўнг ёнида бирор аёл зоти кўринмади. Балким интернет фойдаланувчилари хотини ҳақида турли мулоҳазалар айтишгач, унда шахсий ҳаётни пинҳона сақлаш нияти пайдо бўлган бўлиши мумкин.
Умарнинг блогида 1,3 млн обуначи мавжуд. Саҳифасида ойида бир ёки иккита нимадир эълон қилади. Йигитнинг ташқи қиёфаси унга "дунёдаги энг чиройли араб" мақоми берилгандагидан кўра анча ўзгарган, аммо шу ҳолда ҳам у мафтункорлигини ҳамон йўқотмаган.
