Ҳаёт тақиқланади

Шифокор менга қаҳвани тақиқлади. Уни қирқ йил ичдим. Оиламиздагилар ҳам биринчи тақиқни уқтиришганди ("қаҳва зарарли".) Эрийдиган, кейин майдаланадиган, сўнгра яна эрийдиган қаҳва ичдим: сутли, қора, шакарли, шакарсиз ичдим: самолётда ҳам доим қаҳва буюрардим. Қаҳва мени пинакка тортарди, қаҳва мени уйғотарди, қаҳва таъми билан ёқарди. Қаҳва улғайганлар ҳаётини ваъда қиларди- қаҳва алдамасди. Қаҳва биргина ишқ ичимлиги эди. Худди Тристан ва Изольдага каби. Худди Ромео ва Жульеттага каби. Гектор ва Ахиллга каби.
"Бирор жойда кофе ичволамизми?"," Тўшагингга қаҳва олиб келайми? " Икки жумла ўртасида севги гирдоби мужассам.(Айтмоқчи, фожеа сўнггида Жульетта чойдан заҳарланади.)
Пушкин қаҳва ичган. Толстой қаҳва ичган. Хармс. Алалхусус, қаҳва Паркинсон касаллигининг пайдо бўлиши эҳтимолини сусайтиради, ақлий суюлишнинг ҳам.
Энди эса менга "Цикорий ичинг, кони фойда" дейишмоқда.
Нима ҳам қилардик. Дарё ҳеч қачон чинакам денгизни кўрмаганлар учун денгиз бўлаверади.
Алвидо, Пушкин, Толстой, Хармс, ассалом, Альцгеймер.
Тангри қачонки кимнидир жазоламоқчи бўлса ақлини оларкан. Бу сийқаси чиққан нақл.
Тангри қачонки жазоламоқчи бўлса, қаҳвасини тортиб олади.
Бироқ Парвардигор раҳмдил ва ҳар нега қодир.
Жаннатда бизга турли хил рангдаги мокко солинган улкан финжонни тутқазишади ва бунинг учун бизга ҳеч нима бўлмайди.

Д. В